దిల్లీ క్యాపిటల్స్ జట్టులోని తన సహచర బౌలర్ ఇషాంత్ శర్మ.. టీమ్ఇండియా తరఫున 100 టెస్టులు పూర్తి చేసుకోవడం సంతోషంగా ఉందని అన్నాడు స్పిన్నర్ అమిత్ మిశ్రా. అతడు ఇలానే మరిన్ని మ్యాచ్లకు ప్రాతినిధ్యం వహించి టెస్టుల్లో 150 మైలురాయిని చేరుకోవాలని ఆశాభావం వ్యక్తం చేశాడు.
"నేను, ఇషాంత్ టీమ్ఇండియా తరఫున ఎన్నోసార్లు కలిసి ఆడాం. ఇషాంత్ ఇటీవలే తన వందో టెస్టు ఆడాడు. ఈ ఘనతకు అతడిని అభినందించాలి. ఇషాంత్ మరో 25-30 కంటే ఎక్కువ టెస్టులు ఆడి 150 టెస్టుల మైలురాయిని చేరుకోవాలని కోరుకుంటున్నా. ఇషాంత్ కచ్చితంగా 150 చేరుకునే వరకు టెస్టులు ఆడాలి".
- అమిత్ మిశ్రా, దిల్లీ క్యాపిటల్స్ స్పిన్నర్