RCB vs SRH: ఐపీఎల్-2022లో వరుసగా ఐదో విజయం సాధించింది సన్రైజర్స్ హైదరాబాద్. శనివారం జరిగిన రెండో మ్యాచ్లో రాయల్ ఛాలెంజర్స్ బెంగళూరును చిత్తుచేసింది. 69 పరుగుల స్వల్ప లక్ష్యాన్ని 8 ఓవర్లలోనే ఛేదించింది. అభిషేక్ శర్మ 28 బంతుల్లోనే 47 పరుగులు చేశాడు. కెప్టెన్ కేన్ విలియమ్సన్(16 నాటౌట్), రాహుల్ త్రిపాఠి(7 నాటౌట్) లాంఛనాన్ని పూర్తి చేశారు. ఏకైక వికెట్ హర్షల్ పటేల్కు దక్కింది. ఈ విజయంతో మంచి రన్రేట్ సాధించిన హైదరాబాద్.. పాయింట్ల పట్టికలో రెండో స్థానానికి దూసుకెళ్లింది.
ఆర్సీబీని చిత్తుచేసిన సన్రైజర్స్.. లీగ్లో వరుసగా ఐదో విజయం - ఐపీఎల్ అప్డేట్స్
RCB vs SRH: ఐపీఎల్లో సన్రైజర్స్ హైదరాబాద్ జోరు కొనసాగుతోంది. శనివారం జరిగిన మ్యాచ్లో ఆర్సీబీని 9 వికెట్ల తేడాతో చిత్తుగా ఓడించింది. తొలి రెండు మ్యాచ్ల్లో ఓడిన ఎస్ఆర్హెచ్.. తర్వాతి 5 మ్యాచ్లు వరుసగా గెలవడం విశేషం.
Sunrisers Hyderabad won by 9 wickets
అంతకుముందు సన్రైజర్స్ బౌలర్లు చెలరేగగా.. ఆర్సీబీ 68 పరుగులకే ఆలౌటైంది. ప్రభుదేశాయ్(15), మాక్స్వెల్(12) మాత్రమే రెండంకెల స్కోరు చేశారు. కోహ్లీ పేలవ ఫామ్ కొనసాగిస్తూ వరుసగా రెండో మ్యాచ్లో గోల్డెన్ డకౌట్గా వెనుదిరిగాడు. ఆర్సీబీలో కోహ్లీ, అనుజ్ రావత్, దినేశ్ కార్తిక్ డకౌటయ్యారు. హైదరాబాద్ బౌలర్లలో మార్కో జాన్సెన్, నటరాజన్ తలో 3 వికెట్లు తీయగా.. సుచిత్ రెండు, భువనేశ్వర్, ఉమ్రాన్ మాలిక్ చెరో వికెట్ తీశారు.