చెన్నై సూపర్కింగ్స్తో మ్యాచ్కు పంజాబ్ కింగ్స్ సిద్ధమైంది. ఈ రెండు జట్లు.. వాంఖడేలో శుక్రవారం తలపడనున్నాయి. తొలి మ్యాచ్లో గెలిచి జోరు మీదున్న పంజాబ్ను.. దిల్లీ చేతిలో చిత్తయిన సీఎస్కే ఏమాత్రం నిలువరిస్తుందో చూడాలి?
ధోనీ నేతృత్వంలోని చెన్నై జ్టటు.. ఈ సీజన్ను ఎంతో ఉత్సాహంతో ప్రారంభించింది. కానీ తొలి మ్యాచ్లో దిల్లీ చేతిలో ఓడిపోయింది. బ్యాటింగ్లో రాణించినప్పటికీ, బౌలింగ్లో తేలిపోయింది. ఈ తప్పుల్ని సరిచేసుకుని రెండో మ్యాచ్లో బరిలోకి దిగితే విజయం దక్కొచ్చు. తొలి పోరులో డకౌట్ అయిన ధోనీ.. ఈ మ్యాచ్లో బ్యాట్తో అదరగొట్టాలని అభిమానులు కోరుకుంటున్నారు.
మరోవైపు పంజాబ్ కింగ్స్.. బ్యాటింగ్లో అలరిస్తున్నప్పటికీ, బౌలింగ్లో మాత్రం విఫలమవుతోంది. ఈ విషయంలో వాళ్లు దృష్టి సారించాలి. లేదంటే చెన్నై చేతిలో ఓడిపోయే ప్రమాదముంది.