ఐపీఎల్ 16వ సీజన్లో సన్రైజర్స్ హైదరాబాద్ జట్టు పేలవ ప్రదర్శన కొనసాగిస్తోంది. గెలవాల్సిన మ్యాచుల్లోనూ ఓటమి మూటగట్టుకోవడాన్ని చూసి ఫ్యాన్స్ ఇంతకింత నిరాశ చెందుతున్నారు. తమ బాధను వ్యక్తపరిచేందుకు సోషల్ మీడియాలో మీమ్స్ వేసి ట్రెండ్ చేస్తున్నారు. సన్రైజర్స్ టీమ్ను ట్రోల్ చేస్తున్నారు. అయితే మ్యాచ్ ఓడినా గెలిచినా.. ఏ మాత్రం నిరాశ చెందకుండా జట్టును ఎంకరేజ్ చేసేదాంట్లో సన్ రైజర్స్ హైదరాబాద్ ఓనర్ కావ్య మారన్ ముందుంటారు.
టీమ్ ఆడిన ప్రతీ మ్యాచ్‌కు హాజరై.. ప్లేయర్లలో ఉత్సాహాన్ని నింపే ప్రయత్నం చేస్తుంటారు. తన అందంతో ఎంతో మంది హృదయాలు కొల్లగొట్టిన కావ్య మారన్.. స్టేడియంలో సన్రైజర్స్ జట్టును ఎంకరేజ్ చేస్తూ సందడి చేస్తుంటారు. దీంతో కెమెరామెన్ కూడా కావ్య పాప క్యూట్ ఎక్స్‌ప్రెషన్స్‌ను మిస్ అవ్వకుండా ఫోకస్ పెడుతుంటాడు. అయితే ఉప్పల్ వేదికగా గురువారం జరిగిన మ్యాచ్లో హైదరాబాద్ జట్టు ఓడిపోవడం వల్ల కావ్య పాపపై నెట్టింట మీమ్స్ పేలుతున్నాయి.
మ్యాచ్ మొదట్లో ఉత్సాహంగా కన్పించే కావ్య పాప.. టీమ్ ప్లేయర్స్ అద్భుతంగా ఆడినప్పుడు ఫుల్ జోష్తో ఉత్సాహపరుస్తుంటారు. స్టాండ్లో కూర్చునే ఆమె ప్లేయర్ల భారీ షాట్లకు ఎగిరి గెంతేస్తుంటారు. అయితే కాసేపటికే ప్లేయర్లు పేలవ ప్రదర్శన చూపిస్తున్నారు. ఆఖరికి నిరాశతోనే వెనుదిరగడం జరుగుతోంది. గురువారం జరిగిన మ్యాచ్లోనూ అదే జరిగింది. ప్రతీ మ్యాచులోనూ గెలిచే అవకాశాలు చూపించి ఆఖరికి ఓడిపోవడం.. ఇదే పరిపాటిగా మారిందని.. ఇలా కాకుండా కావ్య మారన్ కోసమైనా.. మ్యాచ్లు గెలవండి సామీ అంటూ నెటిజన్లు సోషల్ మీడియా వేదికగా ఆరెంజ్ ఆర్మీనీ కోరుతున్నారు.
ఇక గురువారం కోల్కతా జరిగిన మ్యాచ్ విషయానికి వస్తే.. సొంతగడ్డపై సన్రైజర్స్ మరోసారి నిరాశ పరిచింది. మ్యాచ్లో ఎక్కువ శాతం ఆధిపత్యం కనబరిచిన ఆ జట్టు ఆఖర్లో చేతులెత్తేసింది. గురువారం ఉప్పల్ స్టేడియంలో జరిగిన మ్యాచ్లో ఆతిథ్య జట్టు 5 పరుగుల తేడాతో కోల్కతా చేతిలో ఓడింది. కాగా ఐపీఎల్ 16వ సీజన్లో సన్రైజర్స్ జట్టు.. ఇప్పటివరకు 9 మ్యాచులు ఆడింది. అయితే ఇందులో మూడు మాత్రమే గెలిచింది. దీంతో పాయింట్ల పట్టికలో 9వ స్థానంలో ఉంది. అయితే ఇక నుంచి ఆడే ప్రతీ మ్యాచ్లోనూ గెలిస్తే తప్పు ప్లే ఆఫ్ చేరే అవకాశం లేదని ఫ్యాన్స్ అభిప్రాయపడుతున్నారు.
