ఐపీఎల్‌ సీజన్ను రెండు ఓటములతో మొదలుపెట్టిన రోహిత్ సేన.. ఇప్పుడు వరుసగా మూడో విజయంతో అదరగొట్టింది. ఉప్పల్ వేదికగా మంగళవారం జరిగిన మ్యాచ్తో ఈ విజయాన్ని తమ ఖాతాలో వేసుకుంది. కామెరూన్ గ్రీన్(64) ఊచకోతతో ముంబయి ఇండియన్స్ టీమ్ 14 పరుగుల తేడాతో సన్‌రైజర్స్‌ను ఓడించింది. దీంతో సొంతగడ్డపై సనరైజర్స్కు నిరాశే మిగిలింది.
నిర్ణీత ఓవర్లలో ముంబయి టీమ్ 5 వికెట్లకు 192 పరుగులు సాధించింది. ముంబయికి ఆడుతున్న హైదరాబాదీ కుర్రాడు తిలక్‌ వర్మ (37) స్కోర్ చేసి సొంతగడ్డపై సత్తా చాటాడు. రోహిత్ శర్మ (28) కూడా మైదానంలో దూకుడుగా ఆడారు. ఇషాన్ కిషన్ (38); టిమ్ డేవిడ్ (16) పరుగులు చేయగా.. హైదరాబాద్ బౌలర్లలో మార్కో జాన్సన్ రెండు. భువనేశ్వర్ కుమార్, నటరాజన్ ఒక్కో వికెట్ పడగొట్టారు.
193 పరుగుల భారీ పరుగుల లక్ష్యంతో బరిలోకి దిగిన సన్రైజర్స్కు ఈ సారి గట్టి దెబ్బ తగిలింది. అయినప్పటికీ గత మ్యాచ్‌లో సెంచరీతో అదరగొట్టిన హ్యారీ బ్రూక్‌ ఉండటం వల్ల సన్‌రైజర్స్‌ ధీమాగానే కనిపించింది. కానీ అతను 9 పరుగులే చేసి బెరెన్‌డార్ఫ్‌ బౌలింగ్‌లో వెనుదిరగడం వల్ల ఛేదనలో సన్‌రైజర్స్‌ ఓటమిపాలయ్యింది. రాహుల్‌ త్రిపాఠి (7)ని సైతం బెరెన్‌డార్ఫ్‌ ఎక్కువ సేపు మైదానంలో ఉండనివ్వలేదు. బెరెన్‌డార్ఫ్‌తో కలిసి కొత్త బంతిని పంచుకున్న అర్జున్‌ తెందుల్కర్‌ కట్టుదిట్టంగా బంతులేసి ఆకట్టుకున్నాడు.