IPL 2023 KKR VS LSG Playoffs : ఐపీఎల్ 2023లో భాగంగా జరుగుతున్న కీలక మ్యాచ్లో లఖ్నవూ సూపర్ జెయింట్స్-కోల్కతా నైట్ రైడర్స్ తలపడ్డా. ప్లే ఆఫ్స్కు అర్హత సాధించాలంటే తప్పక గెలవాల్సిన ఈ మ్యాచ్లో మొదట బ్యాటింగ్ చేసిన లఖ్నవూ సూపర్ జెయింట్స్.. నిర్ణీత 20 ఓవర్లలో 8 వికెట్లు కోల్పోయి 176 పరుగులు చేసింది. క్వింటన్ డికాక్ (28; 27 బంతుల్లో), ప్రేరక్ మన్కడ్ (26; 20 బంతుల్లో), ఆయుష్‌ బదోని (25; 21 బంతుల్లో) ఫర్వాలేదనిపించగా.. చివర్లో వచ్చిన నికోలస్ పూరన్ (58; 30 బంతుల్లో 4 ఫోర్లు, 5 సిక్స్‌లు) హాఫ్ సెంచరీతో మెరుపులు మెరిపించాడు. కోల్కతా బౌలర్లలో సునీల్ నరైన్, వైభవ్‌ అరోరా, శార్దూల్ ఠాకూర్ రెండేసి వికెట్లు పడగొట్టగా.. హర్షిత్ రాణా, వరుణ్ చక్రవర్తి ఒక్కో వికెట్ తీశారు.
అనంతరం 177 పరుగుల భారీ లక్ష్యంతో బరిలోకి దిగిన కేకేఆర్.. 16 ఓవర్లు పూర్తయ్యేసరికి ఐదు వికెట్లు కోల్పోయి 121 పరుగులు చేసింది. జాసన్ రాయ్(45), వెంకటేశ్ అయ్యర్(24), నితీశ్ రానా(8), రెహ్మానుల్లా గుర్బాజ్(10), ఆండ్రూ రసెల్(7) పరుగులు చేశారు. లఖ్నవూ బౌలర్లలో రవి బిష్ణోయ్ రెండు వికెట్లు పడగొట్టగా.. కృనాల్ పాండ్య, కృష్ణప్ప గౌతమ్, యశ్ థాకూర్ తలో వికెట్ తీశారు.