IPL 2023 : ఇండియన్ ప్రీమియర్ లీగ్ 16వ సీజన్లో భాగంగా రాజస్థాన్తో జరుగుతున్న మ్యాచ్లో గుజరాత్ టైటాన్స్ జట్టు ఇన్నింగ్స్ ముగిసింది. రాజస్థాన్కు 178 పరుగుల లక్ష్యాన్ని నిర్దేశించింది. టాస్ ఓడిపోయి బ్యాటింగ్కు చేసిన గుజరాత్.. నిర్ణీత 20 ఓవర్లలో 7 వికెట్ల నష్టానికి 177 పరుగులు చేసింది. గుజరాత్ బ్యాటర్ శుభ్మన్ గిల్ (45), డేవిడ్ మిల్లర్ (46) మెరిశారు. హార్దిక్ పాండ్య (28), సాయి సుదర్శన్ (20), అభినవ్ మహోనహర్ (27) ఫర్వాలేదనిపించారు. ఓపెనర్ వృద్ధిమాన్ సహా (4), రషీద్ ఖాన్ (1), రాహుల్ తెవాతియా (1*), అల్జారీ జోసెఫ్ (0*) పరుగులు చేశారు. రాజస్థాన్ బౌలర్లలో సందీప్ శర్మ (2) వికెట్లు పడగొట్టగా.. ట్రెంట్ బౌల్ట్ (1), యుజువేంద్ర చాహల్, ఆడమ్ జంపా ఒక్కో వికెట్ తీశారు.
హార్దక్ పాండ్య @2000 పరుగులు..
గుజరాత్ టైటాన్స్ జట్టు కెప్టెన్ హార్దిక్ పాండ్య మరో ఘనత సాధించాడు. ఐపీఎల్ కెరీర్లో 2000 పరుగులు పూర్తి చేశాడు. ఈ ఆల్రౌండర్ ఇప్పటివరకు 111 మ్యాచ్లు ఆడి.. 2003 పరుగులు చేశాడు. ఇతడి అత్యధిక వ్యక్తిగత స్కోరు 91 పరుగులు. మొత్తంగా 50 వికెట్లు తీశాడు. షేన్ వాట్సన్, ఆండ్రూ రస్సెల్, కిరన్ పోలార్డ్, రవీంద్ర జడేజా, జాకెస్ కల్లిస్ తర్వాత ఈ ఘనత సాధించిన ఆరో ప్లేయర్గా నిలిచాడు.