IPL 2022 Sunrisers VS Rajasthan royals: ఐపీఎల్ 2022లో భాగంగా నేడు జరిగిన మ్యాచ్లో సన్రైజర్స్ హైదరాబాద్ ఘోర ఓటమిని మూటగట్టుకుంది. రాజస్థాన్ రాయల్స్ బౌలర్ల దెబ్బకు హైదరాబాద్ బ్యాటర్లు విలవిలలాడారు. దీంతో హౌంటీమ్ 61పరుగుల తేడాతో ఓడిపోయింది. రాజస్థాన్ జట్టు నిర్దేశించిన 211 భారీ లక్ష్యాన్ని ఛేదించలేక చతికిలపడింది. హైదరాబాద్ బ్యాటర్లలో మార్‌క్రమ్‌ (57* : 41 బంతుల్లో 5×4, 2×6) ఆఖరి వరకు పోరాడాడు. అయినా అతడికి సహకరించే వారు లేకపోవడంతో ఫలితం లేకపోయింది. వాషింగ్టన్ సుందర్ (40 : 14 బంతుల్లో 5×4, 2×6) మెరుపు ఇన్నింగ్స్ ఆడాడు. రొమెరియో షెఫర్డ్ (24) పర్వాలేదనిపించారు. మొత్తంగా బ్యాటర్లు, బౌలర్లు అందరూ విఫలమయ్యారు. చాహల్ 3, ప్రసిద్ధ కృష్ణ, బోల్ట్ రెండేసి వికెట్లు దక్కించుకున్నారు.
IPL 2022: సన్రైజర్స్పై రాజస్థాన్ ఘన విజయం
IPL 2022 Sunrisers VS Rajasthan royals: నేడు(మంగళవారం) జరిగిన ఐపీఎల్ మ్యాచ్లో రాజస్థాన్ రాయల్స్ అదరగొట్టింది. సన్రైజర్స్ హైదరాబాద్ను 61 పరుగుల తేడాతో ఓడించింది.
రాజస్థాన్ రాయల్స్
అంతకుముందు టాస్ ఓడి బ్యాటింగ్కు దిగిన రాజస్థాన్ రాయల్స్లో కెప్టెన్ సంజూ శాంసన్‌ (55) మెరుపు ఇన్నింగ్స్‌కు తోడు.. దేవ్‌దత్‌ పడిక్కల్ (41) రాణించాడు. ఓపెనర్లు జోస్‌ బట్లర్ (35), యశస్వీ జైస్వాల్ (20) రాజస్థాన్‌కి శుభారంభం అందించారు. ఆఖర్లో వచ్చిన షిమ్రోన్‌ హెట్‌మైర్‌ (32) బౌండరీలతో అలరించాడు. రియాన్‌ పరాగ్ (12) ఇన్నింగ్స్ ఆఖరి బంతికి ఔటయ్యాడు. నాథన్‌ కౌల్టర్‌నైల్ (1) నాటౌట్‌గా నిలిచారు. మొత్తంగా నిర్ణీత 20ఓవర్లలో ఆరు వికెట్లు కోల్పోయి 210 పరుగులు చేసింది. హైదరాబాద్ బౌలర్లలో ఉమ్రాన్ మాలిక్, నటరాజన్‌ రెండేసి, భువనేశ్వర్‌ కుమార్, రొమెరియో షెఫర్డ్ చెరో వికెట్ పడగొట్టారు.
ఇదీ చూడండి: సంజూ శాంసన్‌ మెరుపు ఇన్నింగ్స్.. సన్రైజర్స్ ముంగిట భారీ లక్ష్యం
Last Updated : Mar 29, 2022, 11:47 PM IST