IPL 2022 Final: ఐపీఎల్ తుది పోరుకు అహ్మదాబాద్లోని నరేంద్ర మోదీ స్టేడియంలో రంగం సిద్ధమైంది. టైటిల్ కోసం ఆరంభ సీజన్ విజేత రాజస్థాన్ రాయల్స్.. అరంగేట్ర జట్టు గుజరాత్ టైటాన్స్ తలపడనున్నాయి. ఈ క్రమంలోనే టాస్ గెలిచిన రాజస్థాన్ కెప్టెన్ సంజూ శాంసన్.. గుజరాత్ను బౌలింగ్కు ఆహ్వానించాడు.
ఈ సీజన్లో గుజరాత్, రాజస్థాన్ రెండుసార్లు తలపడగా.. రెండింటిలోనూ గుజరాత్దే పైచేయి. లీగ్లో అడుగుపెట్టిన తొలి సీజన్లోనే ఫైనల్ చేరి అందరినీ ఆశ్చర్యానికి గురిచేసిన గుజరాత్.. అదే ఊపులో కప్పుకొట్టేయాలని చూస్తుండగా, తొలి సీజన్లో టైటిల్ గెలిచాక ఇంత కాలానికి మళ్లీ ఫైనల్లో అడుగుపెట్టిన రాజస్థాన్ ఈ అవకాశాన్ని వదులుకోకూడదని భావిస్తోంది. చూడాలి మరి విజయం ఎవరిని వరిస్తుందో?
ఇవీ జట్లు:
గుజరాత్:వృద్ధిమాన్ సాహా (వికెట్కీపర్), శుభ్మన్ గిల్, మ్యాథ్యూ వేడ్, హార్దిక్ పాండ్య (కెప్టెన్), డేవిడ్ మిల్లర్, రాహుల్ తెవాతియా, రషీద్ ఖాన్, సాయి కిషోర్, లాకీ ఫెర్గూసన్, యశ్ దయాల్, మహ్మద్ షమీ
రాజస్థాన్:యశస్వీ జైస్వాల్, జోస్ బట్లర్, సంజూ శాంసన్ (వికెట్ కీపర్/కెప్టెన్), దేవ్దత్ పడిక్కల్, హెట్మెయిర్, రియాన్ పరాగ్, అశ్విన్, బౌల్ట్, ప్రసిద్ధ్ కృష్ణ, మెక్కాయ్, యుజ్వేంద్ర చాహల్