క్రికెట్ అభిమానులు ఎంతో ఆసక్తిగా ఎదురుచూస్తున్న ఇండియన్ ప్రీమియర్ లీగ్ (ఐపీఎల్) మరికొద్ది గంటల్లో ప్రారంభంకానుంది. చెన్నై వేదికగా జరగనున్న తొలి మ్యాచ్లో రాయల్ ఛాలెంజర్స్ బెంగళూరుతో డిఫెండింగ్ ఛాంపియన్స్ ముంబయి ఇండియన్స్ తలపడనుంది. అయితే ముంబయి జట్టులో ఈసారి ప్రత్యేకత ఏంటంటే? మాస్టర్ బ్లాస్టర్ సచిన్ వారసుడు ప్రస్తుత ఐపీఎల్లో అరంగేట్రం చేయనున్నాడు. ఈ నేపథ్యంలో అర్జున్ తెందూల్కర్కు ఆర్సీబీతో జరిగే తొలి మ్యాచ్లోనే ఆడే అవకాశం ఇస్తారా? లేదా బెంచ్కే పరిమితమవుతాడా? అని మిలియన్ డాలర్ల ప్రశ్న.
సచిన్ తనయుడికి తొలిమ్యాచ్లో అవకాశం దక్కేనా? - అర్జున్ తెందూల్కర్ ఐపీఎల్
ఐపీఎల్ మరికొద్ది గంటల్లో ప్రారంభంకానుంది. తొలి మ్యాచ్లో రాయల్ ఛాలెంజర్స్ బెంగళూరు, ముంబయి ఇండియన్స్ తలపడనున్నాయి. అయితే ఈ మ్యాచ్లో మాస్టర్ బ్లాస్టర్ సచిన్ తెందూల్కర్ తనయుడు అర్జున్ తెందూల్కర్ ముంబయి జట్టుకు ప్రాతినిధ్యం వహిస్తున్నాడు. అయితే తొలిమ్యాచ్లో అర్జున్కు ఆడే అవకాశం వస్తుందా? అని పలువురు క్రికెట్ అభిమానులు ఆసక్తిగా ఎదురుచూసున్నారు.
అర్జున్ తెందూల్కర్
ముంబయి ఇండియన్స్ బౌలింగ్ లైనప్లో ఇప్పటికే హార్దిక్ పాండ్య, క్రునాల్ పాండ్య, కిరెన్ పొలార్డ్ వరుసగా 5, 6, 7 స్థానాల్లో ఉంటారు. ఆ తర్వాత లెగ్ స్పిన్నర్ స్థానంలో రాహుల్ చాహర్ లేదా పియూష్ చావ్లాను జట్టులో తీసుకునే అవకాశం ఉంది. స్టార్ పేసర్ జస్ప్రీత్ బుమ్రా, న్యూజిలాండ్ ఫాస్ట్ బౌలర్ ట్రెంట్ బౌల్ట్లతో పాటు నాథన్ కౌల్టర్ నైల్ లేదా ఆడమ్ మిల్నేను తీసుకొవచ్చు. ఆరంభ మ్యాచ్లో ముంబయి జట్టులోని కొంతమంది కీలకఆటగాళ్లకు విశ్రాంతి ఇస్తే తప్ప అర్జున్ తెందూల్కర్కు అవకాశం లభించదని కొందరు విశ్లేషకులు అంటున్నారు. ఏదేమైన సచిన్ తెందూల్కర్ వారసుడిగా అర్జున్ ఐపీఎల్ ఏ మ్యాచ్లో అరంగేట్రం చేస్తాడోనని సర్వత్రా ఆసక్తి నెలకొంది.
ఇదీ చూడండి:ఐపీఎల్ ప్రారంభ వేడుకకు ముఖ్యఅతిథులు వీరే!