ఐపీఎల్లో మరో ఆసక్తికర పోరుకు రంగం సిద్ధమైంది. చెన్నై సూపర్ కింగ్స్, రాజస్థాన్ రాయల్స్ మధ్య మ్యాచ్ జరగనుంది. ఇప్పటికే చెరో రెండు మ్యాచ్లు ఆడిన ఇరుజట్లు తలా ఒక విజయంతో ఊపుమీదున్నాయి. ఈ మ్యాచ్లో గెలిచి పాయింట్ల పట్టికలో ముందడుగు వేయాలని భావిస్తున్నాయి.
రాజస్థాన్కు తిరుగుందా?
పంజాబ్తో ఆడిన తొలి మ్యాచ్లోనే భారీ లక్ష్యాన్ని ఛేదించేటట్లు కనిపించిన శాంసన్ సేన స్వల్ప తేడాతో ఓడిపోయింది. దిల్లీతో రెండో మ్యాచ్లో విజయం సాధించి ఆత్మవిశ్వాసం పెంపొందించుకుంది. మొదటి మ్యాచ్లో సెంచరీ హీరో, కెప్టెన్ సంజూ శాంసన్, డేవిడ్ మిల్లర్, క్రిస్ మోరిస్, శివం దూబే రాణిస్తున్నప్పటికీ.. నిలకడలేమి రాజస్థాన్ బ్యాటింగ్ను ఇబ్బంది పెడుతోంది.
బౌలింగ్లో యువ ఆటగాడు చేతన్ సకారియా, ఆల్రౌండర్ మోరిస్, ఉనద్కత్, రెహామాన్ చెప్పుకోదగ్గ ప్రదర్శన చేస్తున్నారు. స్పిన్నర్లు పరాగ్, తెవాతియా విజృంభిస్తే రాజస్థాన్కు మరో విజయం ఖాయమే!
ఇదీ చదవండి:స్విమ్మింగ్లో శ్రీహరి నటరాజ్ సరికొత్త రికార్డు
చెన్నై నెగ్గుతుందా?
ఐపీఎల్లో మరో విజయవంతమైన జట్టు చెన్నై. గతేడాది మాత్రం విఫలమైన ధోనీసేన.. ఈసారి తన పవర్ చూపించాలని భావిస్తోంది. దిల్లీతో తొలి మ్యాచ్లో ఓడినప్పటికీ, పంజాబ్తో రెండో మ్యాచ్లో ప్రత్యర్థిని స్వల్ప పరుగులకే కట్టడి చేసి, విజయం సాధించింది. మరి రాజస్థాన్తో మ్యాచ్లో ఏం చేస్తుందో చూడాలి?
బ్యాటింగ్లో సురేశ్ రైనా, మొయిన్ అలీ, రవీంద్ర జడేజా, డుప్లెసిస్ ఫర్వాలేదనిపిస్తున్నారు. కెప్టెన్ ధోనీ ఏడో స్థానంలో రావడం జట్టుపై తీవ్రంగా ప్రభావం చూపిస్తోంది. అంబటి రాయుడు, రుతురాజ్ గైక్వాడ్, బ్రేవో రాణిస్తే.. చెన్నైకి తిరుగుండదు.
బౌలింగ్లో దీపక్ చాహర్, శార్దుల్ ఠాకుర్ చెప్పుకోదగ్గ ప్రదర్శన చేస్తున్నారు. ఆల్రౌండర్ బ్రావో, రవీంద్ర జడేజా, సామ్ కరన్ విజృంభించాల్సిన అవసరం ఉంది.
ఇదీ చదవండి:బెంగళూరు హ్యాట్రిక్ విన్.. పాయింట్ల పట్టికలో అగ్రస్థానం
