వాంఖడే వేదికగా బెంగళూరుతో జరుగుతోన్న మ్యాచ్లో ధోనీ సేన నిర్ణీత ఓవర్లలో 4 వికెట్ల నష్టానికి 191 పరుగులు చేసింది. చెన్నై బ్యాట్స్మెన్లలో డుప్లెసిస్, రుతురాజ్, రైనా మెరిశారు. చివరి ఓవర్లో జడేజా సిక్సర్ల వర్షం కురిపించాడు. కోహ్లీ బృందంలో హర్షల్ పటేల్ 3, చాహల్ ఒక వికెట్ తీసుకున్నారు.
జడేజా విధ్వంసం.. బెంగళూరు లక్ష్యం 192
బెంగళూరుతో జరుగుతోన్న మ్యాచ్లో చెన్నై జట్టు నిర్ణీత ఓవర్లలో 191 పరుగులు చేసింది. డుప్లెసిస్ మరోసారి అర్ధ సెంచరీతో మెరువగా.. చివరి ఓవర్లో జడేజా సిక్సర్ల వర్షం కురిపించాడు. బెంగళూరు బౌలర్లలో హర్షల్ పటేల్ 3, చాహల్ ఒక వికెట్ తీసుకున్నారు.
రాయల్ ఛాలెంజర్స్ బెంగళూరు vs చెన్నై సూపర్ కింగ్స్, విరాట్ కోహ్లీ, ధోనీ
టాస్ గెలిచి బ్యాటింగ్కు దిగిన చెన్నైకి శుభారంభం దక్కింది. తొలి వికెట్కు ఓపెనింగ్ జోడీ 74 పరుగుల భాగస్వామ్యం నమోదు చేసింది. ఈ జంట ప్రమాదకరంగా మారుతున్న సమయంలో రుతురాజ్ (25 బంతుల్లో 33 పరుగులు)ను చాహల్ పెవిలియన్ పంపాడు. తర్వాత క్రీజులోకి వచ్చిన రైనా.. డుప్లెసిస్కు సహకరించాడు. ఈ క్రమంలోనే డుప్లెసిస్(41 బంతుల్లో 50 పరుగులు) హాఫ్ సెంచరీ సాధించాడు. ఈ ఇద్దరినీ వరుస బంతుల్లో ఔట్ చేసి చెన్నై స్కోరుకు బ్రేకులు వేశాడు హర్షల్ పటేల్. తర్వాత బ్యాటింగ్కు వచ్చిన రాయుడు ధాటిగా ఆడే ప్రయత్నం చేశాడు. చివరి ఓవర్లో జడేజా(28 బంతుల్లో 62 పరుగులు) బ్యాట్ ఝుళిపించడం వల్ల చెన్నై భారీ స్కోరు చేసింది.