మరో నాలుగు రోజుల్లో ఐపీఎల్(IPL 2021) ప్రారంభం కానుంది. ఈ నేపథ్యంలో జట్లన్నీ ప్రాక్టీస్ ముమ్మరం చేశాయి. రాయల్ ఛాలెంజర్స్ బెంగళూరు జట్టు ఓ ప్రాక్టీస్ మ్యాచ్నూ(RCB Practice Today) గురువారం ఆడింది. అందులో స్టార్ బ్యాట్స్మన్ ఏబీ డివిలియర్స్ చెలరేగాడు. హర్షల్ పటేల్, దేవ్దత్ పడిక్కల్ జట్లుగా విడిపోయి ఆడిన మ్యాచ్లో ఏబీడీ సిక్సర్ల(AB de Villiers Sixes) వర్షం కురిపించాడు. ఏకంగా 46 బంతుల్లో 104 పరుగులు చేసి అదరగొట్టాడు.
కోహ్లీ, సిరాజ్, డాన్ క్రిస్టియన్, కైలీ జెమిసన్ లాంటి స్టార్ ఆటగాళ్లు క్వారంటైన్లో ఉండగా.. ప్రస్తుతం జట్టులో ఉన్న ఆటగాళ్లతో మ్యాచ్ను నిర్వహించింది ఆర్సీబీ ఫ్రాంఛైజీ. ఆర్సీబీ-ఏ టీమ్కు హర్షల్ పటేల్ కెప్టెన్గా వ్యవహరించగా.. టీమ్-బీకి దేవ్దత్ పడిక్కల్ సారథ్యం వహించాడు. ముందుగా టాస్ గెలిచి బ్యాటింగ్ ఎంచుకున్న హర్షల్ పటేల్ టీమ్.. నిర్ణీత 20 ఓవర్లలో 4 వికెట్లు కోల్పోయి 212 పరుగులు(RCB Intra Squad Match Scorecard 2021) చేసింది. డివిలియర్స్.. కేవలం 46 బంతుల్లో 104 పరుగుల(10 సిక్సర్లు, 7 ఫోర్లు)తో అద్భుతమైన ఇన్నింగ్స్ ఆడాడు.