రాజస్థాన్ రాయల్స్కు ఎదురుదెబ్బ తగిలింది. డాషింగ్ ఓపెనర్ జాస్ బట్లర్.. యూఏఈ వేదికగా ప్రారంభంకానున్న ఐపీఎల్ రెండో దశకు అందుబాటులో ఉండట్లేదు. ఈ విషయాన్ని ఫ్రాంచైజీ ట్వీట్ చేసింది.
బట్లర్ భార్య లూయిస్.. త్వరలో రెండో బిడ్డకు జన్మనివ్వనుంది. అప్పుడు ఆమెకు తోడుగా ఉండాలని ఈ నిర్ణయం తీసుకున్నాడు బట్లర్.
ఐపీఎల్-2021 తొలి దశలో ఏడు మ్యాచ్లు ఆడిన రాజస్థాన్ రాయల్స్ మూడు మ్యాచ్లు గెలిచింది. పాయింట్ల పట్టికలో ఐదో స్థానంలో నిలిచింది. చివరి మ్యాచ్లో బట్లర్ 64 బంతుల్లో 124 పరుగులు చేశాడు.
యూఏఈ వేదికగా సెప్టెంబర్ 19 నుంచి ఈ మెగా లీగ్ రెండో దశ ప్రారంభంకానుంది. పలు జట్లు ఇప్పటికే అక్కడికి చేరుకుని కసరత్తు షురూ చేశాయి.
ఇదీ చూడండి: IPL 2021 : ఆర్సీబీలో భారీ మార్పులు.. జట్టుకు కొత్త కోచ్!
