బెంగళూరు హ్యాట్రిక్ విన్​.. పాయింట్ల పట్టికలో అగ్రస్థానం

చెన్నై వేదికగా కోల్​కతాతో జరిగిన మ్యాచ్​లో కోహ్లీ సేన 38 పరుగుల తేడాతో విజయం సాధించింది. లక్ష్య ఛేదనలో మోర్గాన్ సేన 166 పరుగుల వద్ద నిలిచిపోయింది. ఈ విజయంతో పాయింట్ల పట్టికలో అగ్రస్థానానికి దూసుకెళ్లింది ఆర్సీబీ.

చెన్నై వేదికగా కోల్​కతాతో జరిగిన మ్యాచ్​లో బెంగళూరు 38 పరుగుల తేడాతో గెలుపొందింది. 205 పరుగుల లక్ష్యంతో బరిలోకి దిగిన మోర్గాన్​ సేన 166 పరుగులకే కుప్పకూలింది. ఆర్సీబీ బౌలర్లలో జేమీసన్ 3, హర్షల్​ పటేల్, చాహల్ రెండేసి వికెట్లతో రాణించారు. ఈ విజయంతో కోహ్లీ సేన హ్యాట్రిక్ విజయాలను నమోదు చేసింది. పాయింట్ల పట్టికలో అగ్రస్థానంలోకి దూసుకెళ్లింది.

శుభ్​మన్ గిల్(21 పరుగులు), రాహుల్ త్రిపాఠి(25 పరుగులు), ఇయాన్ మోర్గాన్(29 పరుగులు), షకిబుల్ హసన్(26) ఓ మోస్తారుగా రాణించారు. చివర్లో ఆండ్రీ రస్సెల్​(31) రాణించినప్పటికీ ఫలితం లేకపోయింది.