ఐపీఎల్లో పటిష్టమైన బ్యాటింగ్ లైనప్ ఉన్న ముంబయి ఇండియన్స్పై ఐదు వికెట్ల ప్రదర్శన చేయడం అంత సులభం కాదు. అలాంటిది ఈ ఒక్క సీజన్లోనే వరుస మ్యాచ్ల్లో ఇద్దరు బౌలర్లు ఈ ఘనత అందుకున్నారు.
ఇదీ చదవండి:హైదరాబాద్తో ఆర్సీబీ ఢీ.. గెలుపు ఎవరిదో?
ముంబయి ఆడిన టోర్నీ తొలి పోరులో రాయల్ ఛాలెంజర్స్ బెంగళూరు పేసర్ హర్షల్ పటేల్(5/27) ఐదు వికెట్లు తీయగా.. రెండో మ్యాచ్లో కోల్కతా నైట్రైడర్స్ పేసర్ ఆండ్రీ రస్సెల్(5/15) ఈ ఘనత సాధించాడు. ఈ సీజన్ ముందు వరకు ఐపీఎల్లో ముంబయి 203 మ్యాచ్లాడగా.. వాటిలో ఒక్కసారీ ఏ ప్రత్యర్థి బౌలరూ 5 వికెట్లు పడగొట్టలేదు. ఈ సీజన్లో వరుసగా రెండు మ్యాచ్ల్లో ఆ జట్టుపై ఐదు వికెట్ల ప్రదర్శనలు నమోదయ్యాయి.