నిరవధికంగా వాయిదా పడిన ఐపీఎల్ 14వ సీజన్ను యూఏఈ వేదికగా సెప్టెంబర్ 18 లేదా 19 తేదీలలో తిరిగి నిర్వహించనున్నట్లు బీసీసీఐ సీనియర్ అధికారి వెల్లడించారు. ఈ మూడు వారాలలోనే 31 మ్యాచ్లు జరపనున్నట్లు తెలుస్తోంది. వీటిలో 10 రోజులు రెండేసి మ్యాచ్లు నిర్వహించనున్నట్లు సమాచారం.
"బీసీసీఐ అన్ని ఫ్రాంఛైజీలతో మాట్లాడింది. ఐపీఎల్ను సెప్టెంబర్ మూడో వారంలో తిరిగి ప్రారంభించాలనుకుంటోంది. 18న శనివారం.. 19న ఆదివారం. ఏదేమైనా వీకెండ్ తేదీలోనే లీగ్ను ప్రారంభించనున్నాం. అదే విధంగా, ఫైనల్ మ్యాచ్ను కూడా వీకెండ్లోనే నిర్వహిస్తాం. అందుకు అక్టోబర్ 9 లేదా 10 తగిన తేదీ కావొచ్చు. ఇందులో 10 రోజుల్లో రెండేసి చొప్పున మ్యాచ్లు జరుపుతాం. మిగిలిన 11 మ్యాచ్లు(రెండు క్వాలిఫయర్స్, ఒక ఎలిమినేటర్, ఒక ఫైనల్) సాయంత్రం ప్రారంభమవుతాయి."
-బీసీసీఐ అధికారి.
"ఇంగ్లాండ్ పర్యటన సెప్టెంబర్ 14న ముగుస్తుంది. తర్వాత రోజే టీమ్ఇండియా ఆటగాళ్ల (హనుమ విహారి, అభిమన్యు ఈశ్వరన్ మినహా)తో పాటు లీగ్లో ఉన్న ఇంగ్లాండ్ ప్లేయర్లు దుబాయ్కు చేరుకుంటారు. 'బబుల్ నుంచి బబుల్' నిబంధనలో భాగంగా అక్కడికి చేరుతారు" అని ఆ అధికారి తెలిపారు.