IPL Mini Auction 2023 : ప్రతి ఏడాదిలాగే ఈ ఏడాది కూడా ప్రేక్షకులను అలరించేందుకు ఐపీఎల్ సీజన్ వచ్చేస్తోంది. ఇప్పటికే ప్లేయర్ల ట్రేడింగ్తో ఐపీఎల్ పండుగకు అంతా రెడీ అవ్వగా.. మరి కొద్ది రోజుల్లో మిని వేలం ప్రారంభం కానుంది. డిసెంబర్‌ 19న దుబాయ్‌ వేదికగా ఈ మిని వేలం జరగనుంది. సుమారు పది ప్రాంఛైజీలు ఈ వేలంలో పోటీ పడనుండగా... 1166 మంది ఆటగాళ్లు పేర్లను ఆ లిస్ట్లో నమోదు చేసుకున్నారు. వారిలో 830 మంది భార‌త క్రికెట‌ర్లు ఉన్నారు. అందులో 212 మంది క్యాప్డ్, 909 మంది అన్‌క్యాప్డ్ ప్లేయ‌ర్లున్నారు. 30 మంది విదేశీ ఆటగాళ్లు ఉండ‌నున్నారు.
మరోవైపు ఈ లిస్ట్లో మ‌రింత మంది ప్లేయర్లను చేర్చడంపై స్పందించాల‌ంటూ ఆ 10 ఫ్రాంచైజీల‌ను బీసీసీఐ కోరింది. ఇక వ‌న్డే ప్రపంచ కప్లో పరుగులు వరద పారించిన ట్రావిస్ హెడ్, రచిన్ రవీంద్ర, మిచెల్, ప్యాట్ క‌మిన్స్ ఈ వేలం కోసం త‌మ పేర్లను నమోదు చేయించుకున్నారు. ఇక 77 మంది ప్లేయర్ల కోసం ఫ్రాంచైజీలు ఈ సారి 262.95 కోట్లుకు పైగా ఖ‌ర్చు చేయ‌నున్నాయి.