IPL 2024 Auction Player List :ఇండియన్ ప్రీమియర్ లీగ్- ఐపీఎల్ 2024 మినీ వేలానికి సమయం దగ్గరపడుతోంది. దుబాయ్లో కోకాకోలా ఎరినా వేదికగా ఈ నెల 19న జరిగే ఈ వేలంలో మొత్తం 333 మంది ఆటగాళ్లు తమ అదృష్టం పరీక్షించుకోనున్నారు. 77 ఖాళీలు భర్తీ చేసుకోవడానికి ఫ్రాంచైజీలు వీరిలోని అత్యుత్తమ ఆటగాళ్లను కొనుగోలు చేయనున్నాయి. ఈ ప్లేయర్ల జాబితాలో భారత ప్లేయర్లు హర్షల్‌ పటేల్‌, శార్దూల్‌ ఠాకూర్‌, ఉమేశ్‌ యాదవ్‌ కనీస ధర రూ.2 కోట్లు ఉన్న ఆటగాళ్ల జాబితాలో ఉన్నారు. రెండేళ్ల కింద జరిగిన వేలంలో హర్షల్‌ను రూ.10.75 కోట్లకు కొనుగోలు చేశారు.
ఐపీఎల్ పాలకవర్గం మొత్తం 1166 మందితో కూడిన లిస్ట్ను ఫ్రాంఛైజీలకు అందించింది. ఆటగాళ్లపై ఫ్రాంఛైజీల ఆసక్తి ఆధారంగా తుది జాబితాను 333కు కుదించింది. ఇందులో 214 మంది భారతీయులు, 119 మంది విదేశీయులు, అసోసియేట్‌ దేశాల నుంచి ఇద్దరు ప్లేయర్లు ఉన్నారు. వేలంలో ఖర్చు పెట్టడానికి ఫ్రాంఛైజీల వద్ద మొత్తం రూ.262.95 కోట్లు ఉన్నాయి. మొత్తం 77 మంది నుంచి గరిష్ఠంగా 30 మంది విదేశీ క్రికెటర్లను ఫ్రాంచైజీలు కొనుగోలు చేయొచ్చు. ఆస్ట్రేలియా ఆటగాళ్లు కమిన్స్‌, ట్రావిస్‌ హెడ్‌, ఇంగ్లిస్‌, మిచెల్ స్టార్క్‌లకు ఈ వేలం మంచి డిమాండ్ ఉండే అవకాశం ఉంది. వీళ్లు తమ కనీస ధరను రూ.2 కోట్లుగా నిర్ణయించుకున్నారు. న్యూజిలాండ్ యంగ్ సెన్సేషన్ రచిన్‌ రవీంద్రపై కూడా ఎక్కువ ఫోకస్ ఉంది. అయితే అతడి బేస్ ప్రైజ్ రూ. 50 లక్షలుగా ఉంది. కానీ, అతడు వేలంలో పాత రికార్డులన్నీ బ్రేక్ చేసి. అత్యధిక ధరకు అమ్ముడైనా ఆశ్చర్యం లేదు.
కనీస ధర రూ. 1.5 కోట్ల ప్లేయర్లు..
- మహ్మద్ నబీ - అఫ్గానిస్థాన్
- క్రిస్ లిన్ - ఆస్ట్రేలియా
- టామ్ కరన్ - ఇంగ్లాండ్
- కొలిన్ మున్రో - న్యూజిలాండ్
- వానిందు హసరంగ - శ్రీలంక
- జేసన్ హోల్డర్ - వెస్టిండీస్
- టిమ్ సౌథీ - న్యూజిలాండ్