'సన్రైజర్స్'కు కొత్త కెప్టెన్.. సౌతాఫ్రికా ఆల్‌రౌండర్‌కు బాధ్యతలు
IPL 2023 SRH Captain : ఐపీఎల్ టీమ్ సన్రైజర్స్ హైదరాబాద్కు కొత్త కెప్టెన్ వచ్చాడు. దక్షిణాఫ్రికా ఆటగాడు ఏడెన్ మార్క్రమ్కు సారథ్య బాధ్యతలు అప్పగిస్తూ జట్టు యాజమాన్యం నిర్ణయం తీసుకుంది. ఈ విషయాన్ని సోషల్ మీడియా వేదికగా ప్రకటించింది.
IPL 2023 SRH Captain : ఐపీఎల్‌లో సన్రైజర్స్ హైదరాబాద్ జట్టుకు కొత్త కెప్టెన్ వచ్చాడు. జట్టు సారథ్య బాధ్యతలను సౌతాఫ్రికా ఆల్రౌండర్ ఏడెన్ మార్క్రమ్కు అప్పగిస్తూ యాజమాన్యం నిర్ణయం తీసుకుంది. ఈ మేరకు ఫ్రాంచైజీ సోషల్ మీడియా వేదికగా ప్రకటించింది. అయితే హైదరాబాద్ టీమ్కు విదేశీ ఆటగాళ్లు నాయకత్వం వహించడం ఇదే మొదటి సారి కాదు. గతంలో కొన్నేళ్ల పాటు ఆస్ట్రేలియా స్టార్ బ్యాటర్ డేవిడ్ వార్నర్, కేన్ విలియమ్సన్ కెప్టెన్గా వ్యవహరించారు. ఇక, మధ్యలో కొన్ని సార్లు భువనేశ్వర్‌ కుమార్‌కు కెప్టెన్ బాధ్యతలు నిర్వర్తించాడు.
కాగా, ఇటీవల జరిగిన ఐపీఎల్ మినీ వేలంలో హైదరాబాద్ జట్టు మాజీ కెప్టెన్లు డేవిడ్ వార్నర్, కేన్ విలియమ్సన్ను రిలీజ్ చేసింది. దీంతో ఆ జట్టు సారథి ఎవరు అనేది ఆసక్తికరంగా మారింది. ఈ నేపథ్యంలో మార్క్రమ్ లేదా టీమ్‌ఇండియా ఓపెనర్‌ మయాంక్‌ అగర్వాల్‌కు కెప్టెన్సీ బాధ్యతలు అప్పగిస్తారని చర్చ జరిగింది. చివరకు సన్రైజర్స్ ఫ్రైంచైజీ మార్క్రమ్ వైపు మొగ్గుచూపింది. అయితే మార్క్రమ్ ఇదివరకే సన్రైజర్స్ యాజమాన్యానికి చెందిన అనుబంధ ఫ్రాంఛైజీ సన్రైజర్స్ ఈస్ట్రన్‌ కేప్‌ జట్టుకు సారథ్యం వహించాడు. ఇటీవల జరిగిన ఎస్‌ఏ20 (ఫ్రాంఛైజీ క్రికెట్‌ టోర్నీ)టోర్నీలో సన్రైజర్స్ ఈస్ట్రన్‌ కేప్‌ జట్టు విజయం సాధించింది. దీంతో ఎస్ఆర్హెచ్ మార్క్రమ్కు కెప్టెన్ పగ్గాలు అప్పగించింది.