IPL 2022: ఐపీఎల్​కు డేట్​ ఫిక్స్​- నాలుగు వేదికల్లో 70 మ్యాచ్​లు!

IPL 2022 Venues: ఈసారి ఐపీఎల్​ సీజన్​లో మొత్తం 70 ​మ్యాచ్​లు జరగనున్నట్లు తెలుస్తోంది. ఇందులో భాగంగా 55 లీగ్​ మ్యాచ్​లను ముంబయిలోని మూడు వేడుకల్లోనే నిర్వహించనున్నట్లు సమాచారం. మిగిలిన 15 పుణెలో జరపనున్నట్లు తెలుస్తోంది.

IPL 2022 Venues: ఐపీఎల్​ 2022 షెడ్యూల్​ కోసం క్రికెట్​ అభిమానులు ఎంతో ఆత్రుతగా ఎదురుచూస్తున్నారు. అయితే ఈ టోర్నీ ఎప్పుడు మొదలవుతుందనే దానిపై ఇప్పటివరకు స్పష్టత లేదు. ఈ క్రమంలో మార్చి 26 నుంచి ఐపీఎల్​ ప్రారంభం కానున్నట్లు సమాచారం.

ఈ సీజన్​లో మొత్తం 70 మ్యాచ్​ జరగనున్నట్లు తెలుస్తోంది. ఇందులోభాగంగా 55 లీగ్​ మ్యాచ్​లను ముంబయిలోని వాంఖడే స్టేడియం, బ్రబౌర్న్​ స్టేడియం, డీవై పాటిల్​ మైదానాల్లో నిర్వహించనున్నట్లు వార్తలొస్తున్నాయి. మిగిలిన 15 మ్యాచ్​లను పుణెలోని ఎంసీఏ ఇంటర్నేషనల్​ స్టేడియంలో జరపనున్నట్లు సమాచారం.

వాంఖడే, డీవై పాటిల్​ మైదానాల్లో అన్ని జట్లు నాలుగు మ్యాచ్​లు చొప్పున ఆడే అవకాశముంది. బ్రబౌర్న్​ స్టేడియం, పుణెలో ఒక్కో జట్టు మూడు మ్యాచ్​లు ఆడవచ్చని సమాచారం.

అయితే ఐపీఎల్​ ప్రారంభం గురించి ఎలాంటి అధికార ప్రకటన వెలువడనప్పటికీ.. ఈ సీజన్​ మార్చి 26న లేదా 27 ప్రారంభం కావచ్చని తెలుస్తోంది. టోర్నీ ప్రసారకర్త స్టార్​ ఇండియా.. మార్చి 26 నుంచి ప్రారంభం కానున్నట్లు ప్రకటించింది. అయితే బోర్డు.. మార్చి 27న ప్రారంభించాలని యోచిస్తున్నట్లు సమాచారం. అయితే ఏ తేదీ నుంచి ఆరంభిస్తారో అధికార సమచారం వచ్చేవరకు ఎదురుచూడాల్సిందే. మరోవైపు మే 29 ఐపీఎల్​ 2022 ఫైనల్​ నిర్వహించేందుకు సన్నాహాలు జరుగుతున్నట్లు తెలుస్తోంది.

ఫిబ్రవరి 24న జరగనున్న గవర్నింగ్​ కౌన్సింగ్​ సమావేశంలో ఐపీఎల్​ షెడ్యూల్​, మ్యాచ్​లపై నిర్ణయం తీసుకోవచ్చని తెలుస్తోంది.

ఇదీ చూడండి:చెన్నైకి షాక్.. రూ.14 కోట్ల ప్లేయర్ ఈ సీజన్​కు దూరం!