IPL 2022: ఐపీఎల్‌లో కొత్త ఫ్రాంచైజీలు వేలానికి ముందు ఆటగాళ్ల ఎంపికను పూర్తిచేశాయి. అహ్మదాబాద్‌కు హార్దిక్ పాండ్య, లఖ్‌నవూకు కేఎల్ రాహుల్ కెప్టెన్లుగా వ్యవహరించనున్నారు. అహ్మదాబాద్.. హార్దిక్, రషీద్‌ ఖాన్‌ కోసం రూ.15 కోట్ల చొప్పున వెచ్చించింది. శుభ్‌మన్‌గిల్‌ను ఆ ఫ్రాంచైజీ రూ.7 కోట్లకు సొంతం చేసుకుంది.
లఖ్నవూ రాహుల్ కోసం రూ. 17 కోట్లు ఖర్చు చేసింది. స్టాయినిస్‌ను రూ.9.2 కోట్లకు, రవి బిష్ణోయ్‌ను రూ.4 కోట్లకు దక్కించుకుంది. మరోవైపు ఫిబ్రవరి 12,13 తేదీల్లో ఈ వేలం ప్రక్రియ జరగనుంది.