IPL 2022 KKR: కోల్​కతా కెప్టెన్​గా శ్రేయస్​ అయ్యర్​

IPL 2022 KKR Captain: కెప్టెన్​గా శ్రేయస్ అయ్యర్​ను ఎంపిక చేసినట్లు కేకేఆర్ స్పష్టం చేసింది. ఈ మేరకు బుధవారం అధికారికంగా ట్వీట్ చేసింది. దీనిపై శ్రేయస్ కూడా హర్షం వ్యక్తం చేశాడు.

IPL 2022 KKR Captain: ఈ ఏడాది ఐపీఎల్​లో కోల్​కతా నైట్​రైడర్స్ కెప్టెన్​గా శ్రేయస్ అయ్యర్​ను ఉంటాడని టీమ్ యాజమాన్యం స్పష్టం చేసింది. ఈ మేరకు బుధవారం అధికారిక ప్రకటన చేసింది. దీనిపై శ్రేయస్ మాట్లాడుతూ.."కేకేఆర్​ సారథిగా బాధ్యతలు అప్పగించడం గౌరవంగా భావిస్తున్నాను. వివిధ దేశాల ఆటగాళ్లు ఉండే జట్టును నడిపించడం గొప్ప అవకాశం. నైపుణ్యం ఉన్న ఆటగాళ్లను ఒకే చోటుకు చేర్చడం ఐపీఎల్​ ప్రత్యేకత. నాకు ఈ అవకాశాన్నిచ్చిన కేకేఆర్ యాజమాన్యానికి ధన్యవాదాలు. సమష్టిగా రాణించి మా జట్టుకు విజయాలు అందిస్తాం' అని అన్నాడు.

గత ఐపీఎల్​లో దిల్లీ క్యాపిటల్స్​ తరపున ఆడిన శ్రేయస్​ను ఈ సారి మెగా వేలంలో కోల్​కతా జట్టు సొంతం చేసుకుంది. ఇతని కోసం రూ. 15.25 కోట్లు కేటాయించింది​. కేకేఆర్ కెప్టెన్​గా శ్రేయస్ నియామకంపై కోచ్​ బ్రెండన్​ మెక్​కల్లమ్​ మాట్లాడుతూ.. "మంచి భవిష్యత్తు ఉన్న భారత ఆటగాడు మా జట్టుకు కెప్టెన్​గా బాధ్యతలు చేపట్టడంపై ఆనందంగా ఉన్నాం. శ్రేయస్ ఆట, కెప్టెన్​ స్కిల్స్​ను నేను చాలా ఎంజాయ్​ చేస్తాను. శ్రేయస్​తో కలిసి పనిచేసి కేకేఆర్​కు విజయాన్ని అందిస్తాం" అని పేర్కొన్నాడు.

ఇదీ చదవండి:ఐపీఎల్​ వేలంలో అందుకే మా ఇద్దరిని కొనలేదు: రిచర్డ్​సన్​