IPL 2022: ఆస్ట్రేలియా స్టార్ బ్యాటర్ ఆరోన్ ఫించ్ను జట్టులోకి తీసుకుంది కోల్కతా నైట్రైడర్స్. ఇంగ్లాండ్ ఓపెనర్ అలెక్స్ హేల్స్ స్థానంలో ఫించ్ను భర్తీ చేసింది. బయోబబుల్లో ఇమడలేక ఈ సీజన్ నుంచి తప్పుకొన్నాడు హేల్స్. కాగా, గత నెలలో జరిగిన మెగావేలంలో అన్సోల్డ్గానే మిగిలాడు ఫించ్. అతడిని కొనడానికి ఏ జట్టూ ఆసక్తి చూపలేదు.
87 ఐపీఎల్ మ్యాచులాడిన ఫించ్ 2వేలకు పైగా పరుగులు సాధించాడు. కేకేఆర్ యాజమాన్యం అతడిని రూ.1.5కోట్ల బేస్ ప్రైజ్కు సొంతం చేసుకుంది.
ఐసీసీ టీ20 ప్రపంచకప్ గెలిచిన ఆస్ట్రేలియా జట్టుకు ఆరోన్ ఫించ్ నాయకత్వం వహించాడు. 88 టీ20 మ్యాచులాడిన ఫించ్ 2,686 పరుగులు చేశాడు. ఇందులో రెండు శతకాలు, 15 అర్ధ శతకాలు ఉన్నాయి.
ఆస్ట్రేలియా వన్డే కెప్టెన్ ఫించ్ చివరిసారిగా 2020లో రాయల్ ఛాలెంజర్స్ బెంగళూరుకు ప్రాతినిథ్యం వహించాడు. మార్చి 26న ప్రారంభమయ్యే ఐపీఎల్ తొలి మ్యాచ్లో కోల్కతా.. డిఫెండింగ్ ఛాంపియన్ చెన్నై సూపర్ కింగ్స్తో తలపడనుంది.
ఇదీ చదవండి:Lasith Malinga: ఐపీఎల్లో బౌలింగ్ కోచ్గా మలింగ.. ఏ జట్టుకంటే?