DC vs KKR: దిల్లీ క్యాపిటల్స్తో జరిగిన మ్యాచ్లో కోల్కతా నైట్రైడర్స్ ఓడిపోయింది. 216 పరుగుల భారీ లక్ష్యంతో బరిలోకి దిగిన ఆ జట్టు.. 171కే ఆలౌటైంది. శ్రేయస్ అయ్యర్ (33 బంతుల్లో 54) ఒక్కడే అర్ధసెంచరీతో రాణించాడు. నితీశ్ రాణా(30) కాసేపు సహకారం అందించినా ఫలితం లేకపోయింది. దిల్లీ బౌలర్లు క్రమం తప్పకుండా వికెట్లు తీయడంలో విజయవంతమయ్యారు. ఓపెనర్లు రహానే(8), వెంకటేశ్ అయ్యర్(18) తక్కువ పరుగులే చేసి అవుటయ్యారు. గత మ్యాచ్ హీరో ప్యాట్ కమిన్స్ ఈసారి 4 రన్సే చేశాడు. కుల్దీప్ యాదవ్ 4 ఓవర్లలో 35 పరుగులు ఇచ్చి 4 వికెట్లు తీశాడు. ఖలీల్ అహ్మద్ 3, షార్దుల్ ఠాకుర్ 2 వికెట్లు పడగొట్టారు.
తొలుత టాస్ ఓడి బ్యాటింగ్కు దిగిన దిల్లీ క్యాపిటల్స్ భారీ స్కోరు చేసింది. నిర్ణీత 20 ఓవర్లలో 5 వికెట్లు కోల్పోయి 215 పరుగులు చేసింది. ఓపెనర్లు పృథ్వీ షా, వార్నర్ దూకుడుగా ఆడారు. వీరిద్దరూ కలిసి తొలి వికెట్కు 8.4 ఓవర్లలోనే 93 పరుగులు జోడించారు. 27 బంతుల్లోనే అర్ధసెంచరీ చేసిన షా 51 పరుగులకు అవుటయ్యాడు. ఇందులో 7 ఫోర్లు, 2 సిక్సర్లు ఉన్నాయి. ఆ తర్వాత వచ్చిన పంత్ 14 బంతుల్లోనే 2 ఫోర్లు, 2 సిక్సర్లతో 27 పరుగులు చేసి పెవిలియన్ చేరాడు. ఆ సమయంలో లలిత్ యాదవ్(1), పావెల్ను (8) వరుస ఓవర్లలో ఔట్ చేసి కోల్కతాను పోటీలోకి తీసుకొచ్చాడు నరైన్. మరుసటి ఓవర్లో వార్నర్ను 61(45 బంతుల్లో) ఉమేశ్ ఔట్ చేశాడు.