IPL 2022 CSK vs KKR: అభిమానులు ఎప్పుడెప్పుడా అని ఎదురు చూస్తున్న క్రికెట్‌ పండగ మరికొద్దిసేపట్లో ప్రారంభం కానుంది. ముంబయిలోని వాంఖడే స్టేడియం వేదికగా ఐపీఎల్ 15వ సీజన్ తొలి మ్యాచ్ జరగనుంది. గత సీజన్‌లో ఛాంపియన్‌గా నిలిచిన చెన్నై సూపర్ కింగ్స్, రన్నరప్ కోల్కతా నైట్ రైడర్స్ జట్ల మధ్య నేడు(శనివారం)మ్యాచ్ జరుగనుంది. మొదటగా ఈ మ్యాచ్లో భాగంగా టాస్ గెలుచుకున్న కోల్కతా జట్టు ఫీల్డింగ్ ఎంచుకుంది. దీంతో సీఎస్కే బ్యాటింగ్కు దిగనుంది.
కాగా, ఇరు జట్లు ఈ ఏడాది కొత్త సారథులతో బరిలోకి దిగనున్నాయి. గత సీజన్‌లో కేకేఆర్ జట్టుకు కెప్టెన్గా వ్యవహరించిన ఇయాన్‌ మోర్గాన్‌ యువ ఆటగాడు శ్రేయస్ అయ్యర్‌కు జట్టు యాజమాన్యం బాధ్యతలు అప్పగించింది. ఇటు చెన్నై కెప్టెన్గా ధోనీ కూడా కెప్టెన్సీకి గుడ్ బై చెప్పడం వల్ల ఆల్ రౌండర్‌ రవీంద్ర జడేజాను సారథిగా ఎంపిక చేసింది సీఎస్కే. ఐపీఎల్ చరిత్రలో ఈ ఇరు జట్లు ఇప్పటి వరకు 26 సార్లు తలపడగా.. 17 మ్యాచుల్లో చెన్నై, 8 మ్యాచుల్లో కేకేఆర్ గెలుపొందాయి. మరో మ్యాచ్లో ఫలితం తేలలేదు.
జట్లు