కరోనా కారణంగా అర్ధాంతరంగా నిలిచిపోయిన ఐపీఎల్ 2021.. ఈ సెప్టెంబర్ 19 నుంచి యూఏఈ వేదికగా తిరిగి ప్రారంభం కానుంది. రెండో దశలో తొలి మ్యాచ్ డిఫెండింగ్ ఛాంపియన్ ముంబయి ఇండియన్స్- చెన్నై సూపర్ కింగ్స్ మధ్య జరగనుంది. ఈ విషయాన్ని ఐపీఎల్ వ్యవహారాలతో సంబంధం ఉన్న ఓ అధికారి వెల్లడించారు. దీనికి సంబంధించిన పూర్తి షెడ్యూల్ను కూడా ప్రకటించింది బీసీసీఐ.
క్వాలిఫైయర్ 1, క్వాలిఫైయర్ 2.. అక్టోబర్ 10, 13 తేదీల్లో జరగనుండగా.. ఎలిమినేటర్ అక్టోబర్ 11న నిర్వహించనున్నారు. ఇక ఫైనల్ అక్టోబర్ 15న జరగనుంది.
షెడ్యూల్ ఇదే..
గతవారం ఐపీఎల్కు సంబంధించిన విషయాన్ని బీసీసీఐ కార్యదర్శి జై షా వెల్లడించారు. "మరోసారి యూఏఈ వేదికగా లీగ్ను నిర్వహించనున్నాం. టోర్నీ సజావుగా సాగడానికి అక్కడి ప్రభుత్వంతో కలిసి పనిచేయనున్నాం" అని షా తెలిపారు.
యూఏఈ వేదికగా జరిగే ఐపీఎల్కు విదేశీ క్రికెటర్లు అందరూ అందుబాటులో ఉండేలా ప్రణాళికలు రూపొందిస్తోంది బీసీసీఐ. ఐపీఎల్కు ముందే కరిబీయన్ ప్రీమియర్ లీగ్ ముగించేలా వెస్టిండీస్ క్రికెట్తో చర్చలు జరిపింది. ఆగస్టు 26 నుంచి సెప్టెంబర్ 15 వరకు కరిబీయన్ ప్రీమియర్ లీగ్ జరిగేలా ఏర్పాట్లు చేశారు అక్కడి నిర్వాహకులు.
ఇదీ చూడండి:MS Dhoni: 'మహీ కోసం.. నాలుగో టైటిల్ వేటలో'
