చెన్నై-రాజస్థాన్ మ్యాచ్ సందర్భంగా దిగ్గజ వ్యాఖ్యాత హర్షా భోగ్లే ఆసక్తికర వ్యాఖ్యలు చేశాడు. క్రికెట్లో మన్కడింగ్ను తప్పనిసరి చేయాలని అభిప్రాయపడ్డాడు. ఈ విషయంలో బ్యాట్స్మన్లు కూడా నిబంధనలను పాటించాలని సూచించాడు.
వాంఖడే వేదికగా సోమవారం జరిగిన మ్యాచ్లో తొలుత చెన్నై బ్యాటింగ్ చేసింది. రాజస్థాన్ బౌలర్ ముస్తాఫిజుర్ బౌలింగ్ చేస్తుండగా.. నాన్ స్ట్రైకింగ్ ఎండ్లో చెన్నై బ్యాట్స్మన్ డ్వేన్ బ్రావో ఉన్నాడు. అది నోబాల్ కావడం వల్ల రీప్లేను పరిశీలించారు. ముస్తాఫిజుర్ బంతి వేసేటప్పుడు బ్రావో క్రీజుకు గజం దూరంలో ఉన్నట్లు రీప్లేలో కనిపించింది.
ఇదీ చదవండి:ఒలింపిక్స్ కోసం గబ్బా స్టేడియం పునర్ నిర్మాణం
"బ్రావో ఎక్కడ ఉన్నాడో చూడండి. అతన్ని రనౌట్ చేయాల్సింది. మన్కడింగ్ క్రీడా స్ఫూర్తికి విరుద్ధమంటూ గొప్ప గొప్ప మాటలు చెబుతారు. అంటే బ్యాట్స్మన్ మాత్రం నిబంధనలు ఉల్లంఘించవచ్చా? ఇదంతా అర్థం లేని వాదన. క్రికెట్లో మన్కడింగ్ను తప్పనిసరి చేయాలి."
-హర్షా భోగ్లే, క్రికెట్ వ్యాఖ్యాత.
2019 ఐపీఎల్ సందర్భంగా అప్పుడు పంజాబ్ (ప్రస్తుతం దిల్లీ క్యాపిటల్స్లో ఆడుతున్నాడు)కు ఆడుతున్న రవిచంద్రన్ అశ్విన్.. జాస్ బట్లర్ను మన్కడింగ్ పద్ధతిలో ఔట్ చేశాడు. ఇది క్రీడా స్ఫూర్తికి విరుద్ధమంటూ.. అప్పట్లో దీనిపై పెద్ద చర్చ జరిగింది. అయితే అశ్విన్ మాత్రం వెనక్కి తగ్గలేదు.
ఇదీ చదవండి:సంక్షోభంలో దక్షిణాఫ్రికా క్రికెట్.. కెప్టెన్ల ఆందోళన
