రిటైర్మెంట్​కు ఇంకా సమయం ఉంది: గేల్

ఐపీఎల్​లో అదరగొడుతూ అద్భుత ఫామ్​లో ఉన్న క్రిస్ గేల్.. తన రిటైర్మెంట్​కు ఇంకా సమయముందని అన్నాడు. ఇప్పట్లో ఆ ఆలోచన లేదని చెప్పాడు.

యునివర్స్​ బాస్​గా పేరొందిన క్రిస్​ గేల్​.. ఈ ఐపీఎల్​​లో సూపర్​ ఫామ్​లో ఉన్నాడు. ప్రారంభంలో వరుస ఓటములతో డీలా పడిన కింగ్స్ ఎలెవన్ పంజాబ్.. గేల్​ రాకతో విజయాల బాట పట్టింది. ఈ సందర్భంగా తన రిటైర్మెంట్​పై స్పందించిన విండీస్ దిగ్గజం.. కెరీర్​కు వీడ్కోలు పలికేందుకు ఇంకా సమయముందని అన్నాడు.

ఈ సీజన్​లో పంజాబ్​ తరఫున 5 మ్యాచ్​లాడిన గేల్.. 177 పరుగులు చేశాడు. ఇందులో రెండు అర్థసెంచరీలు ఉన్నాయి. 15 సిక్సులు కొట్టాడు.

టీ20ల్లో 'గేల్​'

టీ20లో ఎక్కువ పరుగులు చేసిన బ్యాట్స్​మెన్ జాబితాలో గేల్​ అగ్రస్థానంలో కొనసాగుతున్నాడు. ఇప్పటివరకు 409 మ్యాచ్​లు ఆడి, 146.82 స్ట్రైక్​ రేట్​తో 13,473 పరుగులు చేశాడు.

ఇందులో భాగంగా గేల్.. 22 సెంచరీలు, 993 సిక్సర్లు కొట్టి ఎవరికీ అందనంత ఎత్తులో ఉన్నాడు. దీని బట్టి చూస్తుంటే వచ్చే ఏడాది భారత్ వేదికగా జరిగే టీ20 ప్రపంచకప్​లో గేల్ ఆడే అవకాశాలు కనిపిస్తున్నాయి.

ఇదీ చదవండి:టీ20ల్లో అందుకే రషీద్​ ఖాన్ గొప్ప బౌలర్!