మొదటి ఐదు ఓవర్లలోనే నాలుగు వికెట్లు కోల్పోయిన కోల్కతా జట్టుపై విచారం వ్యక్తం చేశాడు ఆ జట్టు కెప్టెన్ మోర్గాన్. ఇంత ఘోరంగా విఫలమవుతామని అనుకోలేదని అన్నాడు. అబుదాబి వేదికగా బుధవారం జరిగిన ఈ మ్యాచ్లో కోల్కతాను చిత్తుగా ఓడించింది కోహ్లీ సేన.
" పిచ్ పరిస్థితులను చూశాక ముందుగా మేమే బౌలింగ్ చేసుంటే బాగుండు అనిపించింది. ఆర్సీబీ ఆటగాళ్లు అద్భుతంగా ఆడారు. ఈ ఓటమితో చాలా పాఠాలు నేర్చుకుంటాం. రానున్న మ్యాచ్ల్లో ఈ తప్పులను సరిదిద్దుకునే ప్రయత్నం చేస్తాం. నరైన్, రసెల్ అన్నీ మ్యాచ్లకు అందుబాటులో ఉండాలని ఆశిస్తున్నా. కనీసం వారి సామర్థ్యంతో సరితూగే ఆల్ రౌండర్స్ ఉంటే ఫలితం మరోలా ఉంటుంది".