దుబాయ్ అంతర్జాతీయ స్టేడియం వేదికగా సోమవారం జరిగిన ఐపీఎల్ మ్యాచ్లో సన్రైజర్స్ హైదరాబాద్పై రాయల్ ఛాలెంజర్స్ బెంగళూరు అనూహ్య విజయం సాధించింది. ఈ క్రమంలోనే విరాట్ కోహ్లీ నేతృత్వంలోని బెంగళూరు జట్టు ఆనందంతో డ్రెస్సింగ్ రూమ్కి తిరిగి వచ్చి.. గెలుపు సంబరాలు చేసుకుంది. ఇందుకు సంబంధించిన వీడియోను ఆర్సీబీ ట్విట్టర్లో పోస్ట్ చేసింది. అసలైన పునరాగమనం అంటే ఇది అంటూ విరాట్ కోహ్లీ సింహంలా గర్జించాడు. తన జట్టుకు ఈ విజయం ఎందుకంత ముఖ్యమో విరాట్ వివరించాడు.
"ఆర్సీబీ తరఫున ఆడి వరుసగా ఆరు ఓటముల్లో భాగమైన వాళ్లకు ఈ విజయం ప్రాముఖ్యత తెలుస్తుంది. మేము 170 కంటే తక్కువ లక్ష్యాన్ని నిర్దేశించాం. మంచు కారణంగా పిచ్పై బౌలర్లకు చాలా కష్టమైంది. అయితే, ఇదే మైదానంలో కింగ్స్ ఎలెవెన్ పంజాబ్, దిల్లీ క్యాపిటల్స్ జట్ల మ్యాచ్ను మా ఆటగాళ్లు పరిశీలించారు. కాబట్టి, వాళ్లు మంచి ప్రదర్శన చేశారని అనుకుంటున్నా."