దిల్లీ క్యాపిటల్స్​పై హైదరాబాద్​ అద్భుత విజయం

22:52 October 27

దుబాయ్​ వేదికగా జరిగిన మ్యాచ్​లో దిల్లీ క్యాపిటల్స్​పై 88 పరుగులు తేడాతో ఘన విజయం సాధించింది సన్​రైజర్స్​ హైదరాబాద్. 220 పరుగుల లక్ష్యంతో బరిలో దిగిన దిల్లీ.. 19 ఓవర్లకే 131 పరుగులు చేసి ఆల్​ఔట్​ అయ్యింది. విజయంలో వృద్ధిమాన్‌ సాహా (87; 45 బంతుల్లో, 12×4, 2×6), డేవిడ్‌ వార్నర్‌ (66; 34 బంతుల్లో, 8×4, 2×6), మనీష్ పాండే(44) కీలక పాత్ర పోషించారు.  ​దిల్లీ బౌలర్లలో అశ్విన్​, నోర్జే తలో వికెట్​ తీశారు. 

22:49 October 27

ఓటమికి చేరువలో ఉంది దిల్లీ క్యాపిటల్స్​. 18 బంతుల్లో 110 పరుగులు చేయడం కష్టం. ప్రస్తుతం 17 ఓవర్లకు ఎనిమిది వికెట్లు కోల్పోయి 110 పరుగులు చేసింది.

22:31 October 27

సన్​రైజర్స్​ బౌలర్లు దిల్లీ క్యాపిటల్స్​ బ్యాట్స్​మెన్స్​కు చుక్కలు చూపిస్తున్నారు. ఫలితంగా 15 ఓవర్లకు ఆరు వికెట్లు కోల్పోయి 96 పరుగులు మాత్రమే చేసింది శ్రేయస్​ సేన. క్రీజులో రిషభ్​ పంత్​, రబాడా ఉన్నారు. 30 బంతుల్లో 124 పరుగులు అవసరం. 

22:14 October 27

సన్​రైజర్స్​ బౌలర్లు దిల్లీ క్యాపిటల్స్​ను బాగా కట్టడి చేస్తున్నారు. విజయ్​ శంకర్​ బౌోలింగ్​లో సారథి శ్రేయస్​ అయ్యర్​(7) షాట్​కు యత్నించి విలియమ్సన్​ చేతిలో ఔట్​ అయ్యాడు. క్రీజులోకి అక్సర్​ పటేల్(1)​ వచ్చాడు. రిషభ్​ పంత్​(19) జాగ్రత్తగా ఆడుతోన్నాడు. దీంతో 12 ఓవర్లకు ఐదు వికెట్లు కోల్పోయి 82 పరుగులు చేసింది. 48 బంతుల్లో 138 పరుగులు అవసరం. 

22:08 October 27

పది ఓవర్లు పూర్తయ్యేసరికి నాలుగు వికెట్లు కోల్పోయి 73 పరుగులు చేసింది దిల్లీ క్యాపిటల్స్​. రిషభ్​ పంత్​(15), శ్రేయస్​ అయ్యర్​(4) జాగ్రత్తగా ఆడుతోన్నారు. 59 బంతుల్లో 147 పరుగులు అవసరం. 

21:52 October 27

దిల్లీ క్యాపిటల్స్​ నాలుగో వికెట్​ కోల్పోయింది. రషీద్​ ఖాన్​ బౌలింగ్​లో ఎల్​బీడబ్ల్యూగా వెనుదిరిగాడు రహానే(26). దీంతో ఏడు ఓవర్లు నాలుగు వికెట్లు కోల్పోయి 55 పరుగులు చేసింది. 78 బంతుల్లో 165 పరుగులు అవసరం

21:38 October 27

నాలుగో ఓవర్లో దిల్లీ క్యాపిటల్స్​కు కేవలం ఆరు పరుగులే వచ్చాయి. క్రీజులో హెట్మయర్​ (2), అజింక్యా రహానే(24 ) నెమ్మదిగా ఆడుతోన్నారు. దీంతో నాలుగు ఓవర్లకు రెండు వికెట్లు కోల్పోయి 24 పరుగులు చేసింది. 

21:27 October 27

ధావన్ ఔట్...

భారీ లక్ష్యంతో బరిలోకి దిగిన దిల్లీకి ఆదిలోనే ఎదురుదెబ్బ తగిలింది. ఫామ్​లో ఉన్న శిఖర్​ ధావన్​ తొలి ఓవర్​లోనే ఔటయ్యాడు.

20:57 October 27

సన్​రైజర్స్​ హైదరాబాద్​ అదరగొట్టింది. టాస్​ ఓడి మొదట బ్యాటింగ్​ చేసిన వార్నర్​ సేన.. దిల్లీ క్యాపిటల్స్​కు 220 భారీ లక్ష్యాన్ని నిర్దేశించింది. నిర్ణీత 20 ఓవర్లలో రెండు వికెట్లు కోల్పోయి 219 పరుగులు చేసింది. వార్నర్​ (66), వృద్ధిమాన్​ సాహా(87), మనీష్ పాండే(44) దుమ్మురేపారు. ​ దిల్లీ బౌలర్లలో అశ్విన్​, నోర్జే తలో వికెట్​ తీశారు. 

20:36 October 27

దూకుడుగా ఆడుతోన్న సన్​రైజర్స్​పై దెబ్బ కొట్టింది దిల్లీ. నోర్జే వేసిన బౌలింగ్​లో సాహా(87) షాట్​కు యత్నించి శ్రేయస్​ చేతికి చిక్కాడు. 14.3  ఓవర్లకు రెండు వికెట్లు కోల్పోయి 170 పరుగులు చేసింది వార్నర్​ సేన.  

20:34 October 27

దిల్లీ క్యాపిటల్స్​ బౌలర్లు సన్​రైజర్స్ బ్యాట్స్​మెన్స్​​ను కట్టడి చేయలేకపోతున్నారు. దీంతో 14.2 ఓవర్లలోనే రెండు  వికెట్ల నష్టానికిి 170 పరుగులు చేసింది వార్నర్​ సేన. 

20:12 October 27

సన్​రైజర్స్​ తొలి వికెట్​ కోల్పోయింది. అశ్విన్ బౌలింగ్​లో వార్నర్​(66) షాట్​కు యత్నించి అశ్విన్ చేతికి చిక్కాడు. దీంతో 10 ఓవర్లకు వికెట్​ నష్టానికి 113 పరుగులు చేసింది.  

19:55 October 27

సన్​రైజర్స్ దూకుడుగా ఆడుతోంది. ఆరో ఓవర్లో 22 పరుగలు వచ్చాయి ఈ ఓవర్లో వార్నర్​(54) వరుస బౌండరీలతో విజృంభించాడు. సాహా(22) జాగ్రత్తగా ఆడుతోన్నాడు. ఆరు ఓవర్లకు 77/0 స్కోరు. 

19:48 October 27

ఐదో ఓవర్లో  హైదరాబాద్​కు తొమ్మిది  పరుగులు మాత్రమే వచ్చాయి. క్రీజులో వార్నర్​ (32), సాహా(22) జాగ్రత్తగా ఆడుతోన్నారు.  దీంతో 5 ఓవర్లకు వికెట్​ ఏమీ కోల్పోకుండా 55 పరుగులు చేసింది వార్నర్​ సేన. 

19:37 October 27

సన్​రైజర్స్​ దూకుడుగా ఇన్నింగ్స్​ ప్రారంభించింది. రెండు ఓవర్లు పూర్తయ్యేసరికి వికెట్లు ఏమీ నష్టపోకుండా 20 పరుగులు చేసింది. క్రీజులో వృద్ధిమాన్​ సాహా(15), వార్నర్​(5) ఉన్నారు. 

19:06 October 27

జట్ల వివరాలు

దిల్లీ క్యాపిటల్స్​ : అజింక్య రహానె, శిఖర్ ధావన్, శ్రేయాస్ అయ్యర్ (సారథి), రిషబ్ పంత్ (డబ్ల్యూ), షిమ్రాన్ హెట్మియర్, మార్కస్ స్టోయినిస్, అక్సర్ పటేల్, రవిచంద్రన్ అశ్విన్, కగిసో రబాడా, అన్రిచ్ నార్జే, తుషార్ దేశ్‌పాండే

సన్‌రైజర్స్ హైదరాబాద్ : డేవిడ్ వార్నర్ (సారథి), కేన్ విలియమ్సన్, మనీష్ పాండే, విజయ్ శంకర్, వృద్దిమాన్ సాహా (డబ్ల్యూ), జాసన్ హోల్డర్, షాబాజ్ నదీమ్, అబ్దుల్ సమద్, రషీద్ ఖాన్, సందీప్ శర్మ, టి. నటరాజన్

19:01 October 27

టాస్​ గెలిచి బౌలింగ్​ ఎంచుకుంది దిల్లీ క్యాపిటల్స్​. దీంతో బ్యాటింగ్​ దాడికి దిగనుంది సన్​రైజర్స్​ హైదరాబాద్​.

18:32 October 27

దాదాపు ప్లేఆఫ్స్ రేసు నుంచి నిష్క్రమించిన సన్​రైజర్స్​ హైదరాబాద్.. పాయింట్ల పట్టికలో రెండో స్థానంలో ఉన్న దిల్లీ మరి కాసేపటిలో తలపడనున్నాయి. దుబాయ్​ వేదికగా ఈ మ్యాచ్​ జరగనుంది. గత మ్యాచ్​లో ఓటమికి ప్రతీకారం తీర్చుకోవాలని దిల్లీ భావిస్తోండగా... మరోవైపు ఇందులో గెలిచి పరువు నిలుపుకోవాలని వార్నర్​ సేన అనుకుంటోంది.