ఇంగ్లాండ్ ఆల్రౌండర్ బెన్ స్టోక్స్ రాకతో మరింత బలపడిన రాజస్థాన్ రాయల్స్ జట్టు.. టాప్-2లో ఉన్న దిల్లీ క్యాపిటల్స్తో తలపడేందుకు సిద్ధమైంది. గతవారం ఇరుజట్లు తలపడగా అందులో దిల్లీ క్యాపిటల్స్ పైచేయి సాధించింది. బుధవారం రెండోసారి దిల్లీతో జరిగే మ్యాచ్లో ఎలాగైనా గెలిచిన ప్రతీకారం తీర్చుకోవాలని స్మిత్సేన ప్రణాళికలు రచిస్తోంది.
ఆల్రౌండర్లు అదరగొడతారా?
ఆదివారం ఐపీఎల్లో సన్రైజర్స్ హైదరాబాద్తో జరిగిన మ్యాచ్లో రాజస్థాన్ రాయల్స్ జట్టు విజయం సాధించింది. ఈ గెలుపుతో పాటు బెన్ స్టోక్స్ జట్టులో చేరడం శిబిరంలో మరింత ఉత్సాహాన్ని తెచ్చింది. వార్నర్సేనతో జరిగిన మ్యాచ్లో ఓపెనర్లు బెన్ స్టోక్స్, బట్లర్తో పాటు మిడిల్ఆర్డర్ బ్యాట్స్మెన్ స్టీవెన్ స్మిత్, సంజు శాంసన్ పర్వాలేదనిపించారు. రియాన్ పరాగ్, ఆల్రౌండర్ తెవాతియా చివర్లో అద్భుతంగా రాణించి జట్టుకు విజయాన్ని అందించారు. దీంతో మొత్తం మీద రాజస్థాన్ బ్యాటింగ్ లైనప్ తీరు బాగానే ఉంది.
బౌలింగ్లో జోఫ్రా ఆర్చర్, ఉనద్కత్కు మద్దతుగా ఇప్పుడు జట్టులో బెన్స్టోక్స్ కూడా చేరడం వల్ల లైనప్ మరింత పటిష్టంగా మారింది. వీరితో పాటు స్పిన్నర్లు శ్రేయస్ గోపాల్, తెవాతియా అద్భుతంగా రాణిస్తుండటం వల్ల ఈ జట్టులో దాదాపుగా మార్పులేవీ లేకపోవచ్చు.
దిల్లీకి కలిసొస్తుందా?
ముంబయి ఇండియన్స్తో జరిగిన గత మ్యాచ్లో 5 వికెట్ల తేడాతో దిల్లీ క్యాపిటల్స్ ఓడిపోయింది. బ్యాటింగ్ లైనప్లో ఓపెనర్ శిఖర్ ధావన్ అద్భుతంగా రాణిస్తున్నాడు. పృథ్వీషా, అజింక్య రహానె ఫర్వాలేదనిపిస్తున్నారు. మిడిల్ ఆర్డర్ బ్యాట్స్మెన్ శ్రేయస్ అయ్యర్, మార్కస్ స్టోయినిస్ అద్భుత ఫామ్లో ఉన్నారు. దిల్లీకి చెందిన బౌలర్లు అమిత్ మిశ్రా, ఇషాంత్ శర్మ ఇప్పటికే టోర్నీ నుంచి వైదొలిగారు. మరోవైపు వికెట్ కీపర్ రిషబ్ పంత్ గాయం కారణంగా వారం రోజులు అందుబాటులో ఉండకపోవచ్చు.
బౌలింగ్ లైనప్లో కగిసో రబాడా, రవిచంద్రన్ అశ్విన్, మార్కస్ స్టోయినిస్ అద్భుత బౌలింగ్తో వికెట్లు పడగొడుతున్నారు. రిషబ్ పంత్ స్థానంలో మరొకరికి స్థానం ఇవ్వడం మినహా దిల్లీ క్యాపిటల్స్లో మార్పులేవీ జరగకపోవచ్చు.
రాజస్థాన్ రాయల్స్, దిల్లీ క్యాపిటల్స్కు మధ్య దుబాయ్ వేదికగా భారత కాలమానం ప్రకారం బుధవారం రాత్రి 7గంటల 30నిమిషాలకు మ్యాచ్ ప్రారంభం కానుంది.
స్క్వాడ్స్:
రాజస్థాన్ రాయల్స్:బట్లర్, బెన్ స్టోక్స్, సంజూ శాంసన్, ఆండ్రూ టై, కార్తిక్ త్యాగి, స్టీవెన్ స్మిత్ (కెప్టెన్), అంకిత్ రాజ్‌పుత్, శ్రేయాస్ గోపాల్, రాహుల్ తెవాతియా, జయదేవ్ ఉనద్కత్, మయాంక్ మార్కండే, మహిపాల్ లోమోర్, ఓషనే థామస్, రియాన్ పరాగ్, యశస్వి జైశ్వాల్, అనుజ్ రావత్, ఆకాశ్ సింగ్, డేవిడ్ మిల్లర్, మనన్ వోహ్రా, శశాంక్ సింగ్, వరుణ్ ఆరోన్, టామ్ కరన్, రాబిన్ ఉతప్ప, అనిరుద్ధ జోషి, జోఫ్రా ఆర్చర్.
దిల్లీ క్యాపిటల్స్: శ్రేయస్ అయ్యర్ (కెప్టెన్), రవిచంద్రన్ అశ్విన్, శిఖర్ ధావన్, పృథ్వీ షా, హెట్మెయర్,కగిసో రబాడా, అజింక్యా రహానె, రిషబ్ పంత్, అక్షర్ పటేల్, సందీప్ లమిచానే , మోహిత్ శర్మ, ఎన్రిచ్ నోకియా, అలెక్స్ కారే, ఆవేశ్ ఖాన్, తుషార్ దేశ్‌పాండే, హర్షల్ పటేల్, మార్కస్ స్టోయినిస్, లలిత్ యాదవ్.
