దిల్లీ క్యాపిటల్స్ లీగ్ తొలి అర్ధభాగంలో అదరగొట్టినా.. రెండో అర్ధ భాగంలో డీలా పడింది. వరుసగా నాలుగు పరాజయాలను చవి చూసింది. అయినా ఎట్టకేలకు మళ్లీ పుంజుకుని బెంగళూరుపై విజయం సాధించి ఫామ్లోకి వచ్చింది. పాయింట్ల పట్టికలో రెండో స్థానంలో నిలిచి ప్లేఆఫ్స్కు అర్హత సాధించింది.
'అసలైన ప్రయాణం ఇప్పుడే మొదలైంది.. కప్ మాదే' - delhi capitals motivational video
నవంబరు 5న క్వాలిఫయర్-1లో భాగంగా ముంబయి ఇండియన్స్తో అమీతుమీ తేల్చుకునేందుకు సిద్ధమైంది దిల్లీ క్యాపిటల్స్. ఈ సందర్భంగా తమ జట్టులో స్పూర్తి నింపేందుకు ఓ వీడియోను పోస్ట్ చేసింది దిల్లీ ఫ్రాంచైజీ. లీగ్ ప్రారంభం ముందు నుంచి ఇప్పటివరకు ప్రయాణం ఎలా సాగిందో వివరిస్తూ ఇందులో చూపించారు. ఈ ఏడాది ఐపీఎల్ టైటిల్ను గెలుస్తామని ధీమా వ్యక్తం చేశారు ఆటగాళ్లు.
దిల్లీ క్యాపిటల్స్
నవంబరు 5న క్వాలిఫయర్-1లో భాగంగా ముంబయి ఇండియన్స్తో తలపడేందుకు సిద్ధమైంది. ఈ సందర్భంగా దిల్లీ ఫ్రాంచైజీ తమ ఆటగాళ్లలో స్ఫూర్తి నింపేందుకు ఓ వీడియోను సామాజిక మాధ్యమాల్లో పోస్ట్ చేసింది. 'అసలైన ప్రయాణం ఇప్పుడే మొదలైంది' అంటూ వ్యాఖ్య రాసుకొచ్చింది. ఇందులో కోచ్ రికీ పాంటింగ్, పృథ్వీ షా, బౌలర్ రబాడా సహా పలువురు క్రికెటర్లు మాట్లాడుతూ కనిపించారు. ఐపీఎల్ 2020 ట్రోఫీని సొంతం చేసుకుంటామని ధీమా వ్యక్తం చేశారు. లీగ్ ప్రారంభం ముందు నుంచి ఇప్పటివరకు తమ జట్టు ఆటగాళ్లు ఏ విధంగా కష్టపడ్డారు, ఎలా శ్రమించారు, ప్రతిరోజు ఎలా గడిపారు ఇలా తమ ఐపీఎల్ ప్రయాణాన్ని వీడియో ఆసాంతం చూపించారు.