ఇండియన్ ప్రీమియర్ లీగ్(ఐపీఎల్)లో సన్రైజర్స్ హైదరాబాద్ బ్యాట్స్మన్ మనీశ్ పాండే 3వేల పరుగుల మైలురాయిని చేరుకున్నాడు. దుబాయ్ వేదికగా రాజస్థాన్ రాయల్స్తో జరిగిన మ్యాచ్లో అర్ధశతకం చేసి ఈ ఘనతను అందుకున్నాడు. టోర్నీలో 3 వేల రన్స్ మైలురాయిని చేరిన ఆటగాళ్ల జాబితాలో 16వ క్రికెటర్గా పాండే నిలిచాడు.
మనీశ్ ఖాతాలో మూడు వేల ఐపీఎల్ పరుగులు
రాజస్థాన్ రాయల్స్తో జరిగిన మ్యాచ్లో సన్రైజర్స్ హైదరాబాద్ బ్యాట్స్మన్ మనీశ్ పాండే హాఫ్సెంచరీతో అలరించాడు. దీంతో ఐపీఎల్లో 3 వేల పరుగులు చేసిన 16వ బ్యాట్స్మన్గా ఘనత వహించాడు.
మనీశ్ పాండే
ఐపీఎల్లో సెంచరీ చేసిన తొలి భారతీయుడిగానూ మనీశ్కు పేరిట రికార్డుంది. 2009 సీజన్లో రాయల్ ఛాలెంజర్స్ బెంగళూరుకు ఆడిన పాండే.. 73 బంతుల్లో 114 పరుగులు చేశాడు. గతేడాది ఐపీఎల్లో ఆడిన 12 మ్యాచ్ల్లో 43 సగటుతో 344 పరుగులు చేశాడు.
ఐపీఎల్ చరిత్రలో అత్యధిక పరుగులు చేసిన జాబితాలో ఆర్సీబీ కెప్టెన్ విరాట్ కోహ్లీ అగ్రస్థానంలో ఉన్నాడు. ఆ తర్వాత వరుసగా సురేశ్ రైనా, రోహిత్ శర్మ ఉండగా.. సన్రైజర్స్ కెప్టెన్ డేవిడ్ వార్నర్ నాలుగోస్థానంలో కొనసాగుతున్నాడు.