ఐపీఎల్ ప్రారంభంతో క్రికెట్ అభిమానుల్లో సరికొత్త ఉత్సాహం నెలకొంది. తమ ఫ్రాంచైజీలకు మద్దతు తెలుపుతూ సోషల్ మీడియా వేదికగా పోస్టులతో దూసుకెళ్తున్నారు. ప్రేక్షకుల్లో మంచి ఆదరణ పొందిన ఐపీఎల్ జట్లలో కోల్కతా నైట్రైడర్స్ ఒకటి. సెప్టెంబరు 23న ముంబయి ఇండియన్స్తో తొలి మ్యాచ్ ఆడనుంది. ఈ నేపథ్యంలోనే ఆటగాళ్లంతా ట్రైనింగ్ సెషన్లో తీవ్రంగా కష్టపడుతున్నారు.
ఈ క్రమంలోనే కోల్కతా నైట్ రైడర్స్ ఆటగాడు ఆండ్రూ రస్సెల్ నెట్ ప్రాక్టీస్ చేస్తున్న వీడియోను ఫ్రాంచైజీ ట్విట్టర్లో పోస్ట్ చేసింది. ఇందులో రస్సెల్ వచ్చిన బంతిని వచ్చినట్లే బాదుతూ కనిపించాడు. చివర్లో స్ట్రైట్ డ్రైవ్ ఆడగా.. బంతి కెమెరా గ్లాస్కు తాకి పగిలిపోయింది.