'ప్లే ఆఫ్స్​ అవకాశాలు ఇంకా ఉన్నాయి'

కోల్​కతా నైట్​రైడర్స్ జట్టు ప్లే ఆఫ్స్​కు​ చేరుతుందని ఆశాభావం వ్యక్తం చేశాడు ఆ జట్టు మెంటార్ డేవిడ్ హస్సీ. అబుదాబి వేదికగా గురువారం జరిగిన మ్యాచ్​లో చెన్నై సూపర్ కింగ్స్​ చేతిలో కేకేఆర్ ఓటమి పాలైన తర్వాత ఈ వ్యాఖ్యలు చేశాడీ ఆస్ట్రేలియా మాజీ క్రికెటర్.

కోల్​కతా నైట్​రైడర్స్​కు ప్లే ఆఫ్స్ ఆశలు సజీవంగానే ఉన్నాయని ఆ జట్టు మెంటార్​​ డేవిడ్​ హస్సీ ఆశాభావం వ్యక్తం చేశాడు. గురువారం జరిగిన మ్యాచ్​లో చెన్నై సూపర్ కింగ్స్ చేతిలో ఓటమిపాలైంది కోల్​కతా. మ్యాచ్ అనంతరం మాట్లాడుతూ ఈ వ్యాఖ్యలు చేశాడు హస్సీ.

"చాలా మ్యాచ్​ల్లో ఓడిపోవడం వల్లే ఐదో స్థానంలో ఉన్నాం. ఈ పరాజయానికి కారకులం మేమే. కానీ, ప్లే ఆఫ్స్​ ఆశలు సజీవంగానే ఉన్నాయి. రాజస్థాన్​తో జరిగే మ్యాచ్​పై గెలిచి తీరుతాం."

-డేవిడ్​ హస్సీ, కోల్​కతా మెంటార్.

'అద్భుతాలు జరగొచ్చు'

ఫలితం తమకు అనుకూలంగానే వస్తుందని, ప్లే ఆఫ్స్​లో ఇతర జట్లకు షాక్​ ఇస్తామని డేవిడ్​ హస్సీ వెల్లడించాడు. ఎప్పుడైనా అద్భుతాలు జరగొచ్చని ఆశాభావం వ్యక్తం చేశాడు. ఓటమి చాలా కష్టంగా ఉంటుందని పేర్కొన్నాడు.

గురువారం జరిగిన మ్యాచ్​లో 173 పరుగుల లక్ష్యాన్ని ఛేదించి కోల్​కతాను ఓడించింది ధోనీసేన. ఈ మ్యాచ్​లో రుతురాజ్​ గైక్వాడ్​ 72 పరుగులు చేసి జట్టు విజయంలో కీలక పాత్ర పోషించాడు.

ఇదీ చదవండి:అలా చేస్తే ఆశ్చర్యపడను: గంభీర్