రాయల్ ఛాలెంజర్స్ బెంగళూరు మరో పోరుకు సిద్ధమైంది. రాజస్థాన్ రాయల్స్తో దుబాయ్ వేదికగా నేడు (శనివారం) తలపడనుంది. గత మ్యాచ్ల్లో వేరువేరుగా ఓడిన ఇరుజట్లు.. ఈరోజు ఎలాగైనా సరే గెలవాలనే పట్టుదలగా ఉన్నాయి. ఈ మ్యాచ్ మధ్యాహ్నం 3.30 గంటలకు ప్రారంభంకానుంది.
కోహ్లీ ప్లాన్ తప్పింది!
ఎనిమిదింటిలో ఐదు మ్యాచ్లు గెలిచి ఫామ్లో ఉన్న బెంగళూరు.. పంజాబ్తో గత మ్యాచ్లో ఓడింది. కోహ్లీ వేసిన ప్లాన్ విఫలమైంది. ప్రత్యర్థి జట్టులో లెగ్ స్పిన్నర్లు ఉన్నారనే కారణంతో విధ్వంసక డివిలియర్స్ను ఆరో స్థానంలో బ్యాటింగ్కు పంపాడు విరాట్. కానీ అతడు కేవలం రెండు పరుగులే చేసి ఔటయ్యాడు. కోహ్లీ(48) మినహా మిగతా బ్యాట్స్మన్ తక్కువ స్కోర్లకే వెనుదిరిగారు. బౌలర్లలో మోరిస్, సైనీ, ఉదానా పరుగులు కట్టడి చేయగా, చాహల్, సుందర్, సిరాజ్ పరుగులు సమర్పించారు. రాజస్థాన్తో మ్యాచ్లో ఈ అంశాలపై దృష్టి పెట్టాల్సి ఉంది.
రాజస్థాన్ ప్రతి మ్యాచ్ గెలవాలి!