మిస్టర్ 360 ఏబీ డివిలియర్స్పై, ఆర్సీబీ కెప్టెన్ కోహ్లీ ప్రశంసలు కురిపించాడు. లీగ్లో అత్యంత ప్రభావవంతమైన ఆటగాడు అతడని అన్నాడు. ఏబీ లాంటి బ్యాట్స్మన్ ఉంటే జట్లు ధీమాగా ఉండొచ్చని తెలిపాడు.
"ఏబీ డివిలియర్స్ ఐపీఎల్లో అత్యంత ప్రభావవంత ఆటగాడు. ఎప్పుడైనా సరే పరిస్థితులను అంచనా వేసి అందుకు తగ్గట్లు ఆడతాడు. కేవలం అతడిలాంటి ఆటగాడు ఉండటం వల్లే జట్లు ఎలాంటి స్థితిలోనూ ఆశలు కోల్పోవు" -కోహ్లీ, ఆర్సీబీ కెప్టెన్
శనివారం జరిగిన ఈ మ్యాచ్లో విధ్వంసక ఇన్నింగ్స్ ఆడిన డివిలియర్స్.. గెలుపు తమదే అనుకున్న రాజస్థాన్కు నిరాశ మిగిల్చాడు. ఏబీ 22 బంతుల్లో 55 పరుగులు (ఆరు సిక్సులు, ఫోర్)చేయడం వల్ల మరో రెండు బంతులు మిగిలుండగానే బెంగళూరు విజయం సాధించింది.