సన్​రైజర్స్​పై ఆర్సీబీ విజయం

23:29 September 21

సన్​రైజర్స్​ హైదరాబాద్​పై బెంగళూరు జట్టు పది పరుగులు తేడాతో విజయం సాధించింది. హైదబాబాద్​ జట్టును 153 పరుగులకే ఆల్​ఔట్​ చేసింది. బెంగళూరు విజయంలో చాహల్​, శివమ్​ దుబే, నవదీప్​ సైని కీలక పాత్రపోషించారు. 

23:16 September 21

హైదరాబాద్ ఎనిమిది వికెట్లు​ కోల్పోయింది. ఓటమి అంచులో ఉంది. 18ఓవర్లకు  స్కోరు 143 ఉంది. 

22:29 September 21

హైదరాబాద్​ రెండో వికెట్ కోల్పోయింది. 34 పరుగులు చేసిన మనీశ్ పాండే.. చాహల్​ బౌలింగ్​లో ఔటయ్యాడు. ప్రస్తుతం 12 ఓవర్లో 89 పరుగులు చేసింది వార్నర్​సేన.

22:14 September 21

హైదరాబాద్​ బ్యాట్స్​మెన్ చాలా చక్కగా ఆడుతున్నారు. మరో వికెట్​ పడకుండా స్కోరు బోర్డును నెమ్మదిగా పరుగులు పెట్టిస్తున్నారు. క్రీజులో మనీశ్ పాండే(31), బెయిర్ స్టో(39) ఉన్నారు. ప్రస్తుతం 10 ఓవర్లలో వికెట్ నష్టానికి 78 పరుగులు చేసింది.

21:50 September 21

హైదరాబాద్​ బ్యాట్స్​మన్ నిలకడగా ఆడుతున్నారు. స్కోరు బోర్డును పరుగులు పెట్టిస్తున్నారు. 5 ఓవర్లలో వికెట్ నష్టానికి 40 పరుగులు చేశారు. క్రీజులో బెయిర్​స్టో, మనీశ్ పాండే ఉన్నారు.

21:35 September 21

ఛేదనలో సన్​రైజర్స్ హైదరాబాద్​ తొలి వికెట్ కోల్పోయింది. 6 పరుగులు చేసిన కెప్టెన్ వార్నర్.. అనుహ్య రీతిలో రనౌట్​గా వెనుదిరిగాడు. ప్రస్తుతం 2 ఓవర్లకు 18 పరుగులు చేసింది. క్రీజులో బెయిర్​స్టో, మనీశ్ పాండే ఉన్నారు.

21:08 September 21

బెంగళూరు జట్టు అదరగొట్టింది. హైదరాబాద్​తో జరుగుతున్న మ్యాచ్​లో నిర్ణీత 20 ఓవర్లలో 5 వికెట్ల నష్టానికి 163 పరుగులు చేసింది. ఓపెనర్​ దేవ్​దత్ పడిక్కల్(56) అరంగేట్రంలోనే అర్థశతకం చేసి ఆకట్టుకున్నాడు. అనంతరం డివిలియర్స్(51) ఆ ఊపు కొనసాగించాడు. మిగతా వారిలో ఫించ్ 29, కోహ్లీ 14 పరుగులు చేశారు. సన్​రైజర్స్ బౌలర్లలో నటరాజన్, విజయ్ శంకర్, అభిషేక్ శర్మ తలో వికెట్ తీశారు.

20:48 September 21

నటరాజన్​ బౌలింగ్​లో కోహ్లీ క్యాచ్​ ఔటయ్యాడు. కేవలం 14 పరుగులే చేసి పెవిలియన్​ బాట పట్టాడు. ప్రస్తుతం క్రీజులో డివిలియర్స్ ఉన్నాడు. 15.5 ఓవర్లలో 123/3 ఉంది బెంగళూరు.

20:42 September 21

కోహ్లీ-డివిలియర్స్ నిదానంగా ఆడుతున్నారు. ప్రస్తుతం 15 ఓవర్లకు 2 వికెట్ల నష్టానికి 116 పరుగులు చేసింది బెంగళూరు జట్టు.

20:28 September 21

అద్భుత ప్రదర్శన చేసిన యువ బ్యాట్స్​మన్ దేవ్​దత్ పడిక్కల్ 42 బంతుల్లో 56 పరుగులు చేసి ఔటయ్యాడు. వెంటనే ఫించ్(29)​ కూడా ఎల్బీడబ్ల్యూగా వెనుదిరిగాడు. ప్రస్తుతం 11.1 ఓవర్లలో 90 పరుగులతో ఉంది.​ 

20:17 September 21

రాయల్ ఛాలెంజర్స్ బెంగళూరు ఓపెనర్లు ఫించ్-దేవ్​దత్ పడిక్కల్ నిలకడగా ఆడుతున్నారు. 10 ఓవర్ల ముగిసేసరికి వికెట్లేమి నష్టపోకుండా 86 పరుగులు చేశారు. ఈ క్రమంలోనే దేవ్​దత్ ఐపీఎల్​లో తొలి అర్థ శతకాన్ని నమోదు చేశాడు.

19:58 September 21

ఆర్సీబీ నిలకడగా బ్యాటింగ్​ చేస్తోంది. ఓపెనర్లుగా దిగిన ఫించ్(12 ​), పడిక్కల్(37​ )స్కోరును పరుగులు పెట్టిస్తూనే వికెట్​ పడకుండా చూసుకుంటున్నారు. 6 ఓవర్లు ముగిసే సరికి ఆర్సీబీ స్కోరు 53/0 

19:44 September 21

మూడు ఓవర్లు పూర్తయ్యేసరికి ఆర్సీబీ  20/0 పరుగుల వద్ద నిలిచింది. క్రీజులో ఫించ్​(2), పడిక్కల్(17) ఉన్నారు.

19:32 September 21

తొలి ఓవర్ ముగిసేసరికి  వికెట్లేమి నష్టపోకుండా 2 పరుగులు చేసింది బెంగళూరు. క్రీజులో అరోన్​ ఫించ్​, దేవ్​దత్​ ఉన్నారు.  

19:15 September 21

భారత అండర్​-19 కెప్టెన్​ ప్రియమ్​ గార్గ్​(హైదరాబాద్).. ఈ మ్యాచ్​తో ఐపీఎల్ అరంగేట్రం చేస్తున్నాడు. అతడికి క్యాప్​ ఇచ్చి జట్టులోకి ఆహ్వానించారు.

జట్లు వివరాలు

సన్​రైజర్స్ హైదరాబాద్:​డేవిడ్ వార్నర్​ (కెప్టెన్​) జానీ బెయిర్​స్టో(వికెట్​ కీపర్​) మనీశ్​ పాండె, విజయ్ శంకర్​, మిచెల్​ మార్ష్​, ప్రియమ్​ గార్గ్​, అభిషేక్​ శర్మ, రషీద్​ ఖాన్​, భువనేశ్వర్​ కుమార్​, సందీప్​ శర్మ, టీ నటరాజన్​

రాయల్​ ఛాలెంజర్స్​: అరోన్​ ఫించ్​, దేవ్​దత్​ పడిక్కల్​, విరాట్​ కోహ్లీ(కెప్టెన్​), ఏబీ డివిలియర్స్​, జోష్​ ఫిలిప్పీ(వికెట్​ కీపర్​), శివం దుబే, వాషింగ్టన్​ సుందర్​, ఉమేశ్​ యాదవ్​, నవదీప్​ సైని, స్టెయిన్​, యజ్వేంద్ర చాహల్​

19:04 September 21

టాస్​ గెలిచిన సన్​రైజర్స్ హైదరాబాద్​​ బౌలింగ్ ఎంచుకుంది. తొలి మ్యాచ్​ ఘనంగా బోణీ కొట్టాలని కెప్టెన్ వార్నర్​​ భావిస్తున్నాడు. కోహ్లీసేన బ్యాటింగ్​ ప్రారంభించనుంది.

18:27 September 21

మరికాసేపట్లో మ్యాచ్​ ప్రారంభం

దుబాయ్ వేదికగా సన్​రైజర్స్​ హైదరాబాద్​, రాయల్​ ఛాలెంజర్స్ బెంగళూరు మధ్య మ్యాచ్ మరికాసేపట్లో ప్రారంభం కానుంది.​ భారత కాలమానం ప్రకారం రాత్రి 7:30 గంటలకు మొదలవుతుంది. గెలిచేందుకు ఇరుజట్లు పట్టుదలగా ఉన్నాయి.