దిల్లీ క్యాపిటల్స్​పై సన్​రైజర్స్ విజయం

23:22 September 29

దిల్లీ క్యాపిటల్స్​తో జరిగిన మ్యాచ్​లో సన్​రైజర్స్ హైదరాబాద్ విజయం సాధించింది. 15 పరుగుల తేడాతో గెలుపొందింది. దిల్లీ జట్టులో శిఖర్ ధావన్ (34), రిషబ్ పంత్ (28), హెట్​మియర్ (21) పర్వాలేదనిపించారు. అయినా మిగతా బ్యాట్స్​మన్ విఫలమవడం వల్ల ఓటమిపాలయ్యారు. సన్​రైజర్స్  బౌలర్లలో రషీద్ ఖాన్ 14 పరుగులు ఇచ్చి 3 వికెట్లు తీసి సత్తాచాటాడు. భువనేశ్వర్ 2, ఖలీల్ అహ్మద్, నటరాజన్ చెరో ఒక వికెట్ దక్కించుకున్నారు. ఫలితంగా సమష్టిగా రాణించిన సన్​రైజర్స్​ పాయింట్ల పట్టికలో బోణీ కొట్టింది.

మొదట బ్యాటింగ్ చేసిన సన్​రైజర్స్​కు వార్నర్ (45), బెయిర్​స్టో (53) అదిరిపోయే ఆరంభాన్నిచ్చారు. ఈ లీగ్​లో తొలి మ్యాచ్ ఆడిన విలియమ్సన్ 41 పరుగులతో సత్తాచాటాడు. దిల్లీ బౌలర్లలో రబాడ, అమిత్ మిశ్రా చెరో రెండు వికెట్లు దక్కించుకున్నారు.

23:20 September 29

ఏడో వికెట్ కోల్పోయింది దిల్లీ. 5 పరుగులు చేసి అక్షర్ పటేల్ ఔటయ్యాడు. ఇంకా దిల్లీ గెలవాలంటే 3 బంతుల్లో 25 పరుగులు కావాలి.

23:16 September 29

19వ ఓవర్ ముగిసింది. భువనేశ్వర్ కుమార్ వేసిన ఈ ఓవర్​లో 9 పరుగులు వచ్చాయి. ఆఖరిలో ఓవర్​లో దిల్లీకి 28 పరుగులు కావాలి.

23:13 September 29

దిల్లీ క్యాపిటల్స్ ఆరో వికెట్ కోల్పోయింది. 11 పరుగులు చేసి స్టోయినిస్ ఎల్బీడబ్ల్యూగా వెనుదిరిగాడు.

23:03 September 29

పంత్(28) ఔట్​ అయ్యాడు. దిల్లీ గెలవాలంటే ఇంకా 19 బంతుల్లో 45 పరుగులు చేయాల్సి ఉంది. క్రీజులో స్టోయినిస్​, అక్షర్​ పటేల్​ ఉన్నారు. 

22:55 September 29

హెట్మయర్​ ఔట్​​ అయ్యాడు. దిల్లీ గెలవాలంటే ఇంకా 29 బంతుల్లో 59 పరుగులు చేయాల్సి ఉంది. క్రీజులో పంత్, స్టోయినిస్​​ కొనసాగుతున్నారు

22:32 September 29

దిల్లీ మూడో వికెట్​ కోల్పోయింది. రషీద్​ ఖాన్ బౌలింగ్​లో ధావన్​(34) కీపర్​కు క్యాచ్​ ఇచ్చి ఔట్​ అయ్యాడు. దిల్లీ గెలవాలంటే ఇంకా 51 బంతుల్లో 101 పరుగులు చేయాల్సి ఉం​ది.

22:16 September 29

పది ఓవర్లు ముగిసే సరికి దిల్లీ స్కోరు 54/2.  క్రీజులో పంత్(4)​, ధావన్(29)​ ఉన్నారు. ఇంకా 60 బంతుల్లో 109 పరుగులు చేయాల్సి ఉంది.

22:10 September 29

దిల్లీ రెండో వికెట్​ కోల్పోయింది. రషీద్​​ ఖాన్​ బౌలింగ్​లో కెప్టెన్​ శ్రేయస్​ అయ్యర్​(17) క్యాచ్​ అవుట్​ అయ్యాడు. 7.2 ఓవర్ల సమయానికి దిల్లీ స్కోరు 42/2.

22:04 September 29

దిల్లీ జట్టు 5 ఓవర్లకు 27/1

5 ఓవర్లు పూర్తయ్యేసరికి దిల్లీ వికెట్‌ నష్టానికి 27 పరుగులు చేసింది. ఖలీల్‌ అహ్మద్‌ వేసిన ఈ ఓవర్‌లో మొత్తం 12 పరుగులు వచ్చాయి. ధావన్‌(17), అయ్యర్‌(8) చెరో బౌండరీ కొట్టడంతో పాటు మరో నాలుగు పరుగులు వచ్చాయి. 

21:55 September 29

భువి వేసిన మూడో ఓవర్‌లో దిల్లీ 5 పరుగులు రాబట్టింది. ధావన్(7)‌ ఈ ఓవర్‌లో తొలి బౌండరీ కొట్టడంతో పాటు ఒక సింగిల్‌ తీశాడు. దీంతో 3 ఓవర్లకు ఆ జట్టు స్కోర్‌ 10/1గా నమోదైంది. శ్రేయస్‌(1) నెమ్మదిగా ఆడుతున్నాడు.

21:47 September 29

భువనేశ్వర్‌ వేసిన తొలి ఓవర్‌లోనే దిల్లీ ఓపెనర్‌ పృథ్వీషా(2) ఔటయ్యాడు. ఐదో బంతికి అతడు కీపర్‌కు క్యాచ్‌ ఇచ్చి వెనుతిరిగాడు. దీంతో దిల్లీ 2 పరుగులకే తొలి వికెట్‌ కోల్పోయింది. క్రీజులో ధావన్‌, శ్రేయస్‌ అయ్యర్‌ ఉన్నారు. 

21:24 September 29

టాస్ ఓడి బ్యాటింగ్ చేసిన హైదరాబాద్​.. నిర్ణీత 20 ఓవర్లలో నాలుగు వికెట్ల నష్టానికి 162 పరుగులు చేసింది. డేవిడ్​ వార్నర్​(45), బెయిర్​ స్టో(53), విలియమ్సన్(41)​ స్కోరును పరుగులు పెట్టించడంలో కీలక పాత్ర పోషించారు. దిల్లీ బౌలర్లలో అమిత్​ మిశ్రా, రబాడా తలో రెండు వికెట్లు దక్కించుకున్నారు. 

21:06 September 29

బెయిర్​స్టో అర్ధసెంచరీ చేశాడు. 44 బంతుల్లో 51 పరుగులు చేశాడు. 17 ఓవర్ల సమయానికి హైదరాబాద్​ స్కోరు 140/2

20:44 September 29

రెండో వికెట్​ కోల్పోయిన హైదరాబాద్​. మిశ్రా బౌలింగ్​లో మనీశ్​ పాండే(3) ఔటయ్యాడు. ప్రస్తుతం క్రీజులో విలియమ్సన్​, బెయిర్​స్టో ఉన్నారు. 13.1 ఓవర్ల సమయానికి హైదరాబాద్​ స్కోరు 100/2

20:29 September 29

హైదరాబాద్​ తొలి వికెట్​ కోల్పోయింది. అమిత్​ మిశ్రా బౌలింగ్​లో వార్నర్​(45) కీపర్​ క్యాచ్​ ఔట్​ అయ్యాడు. 10 ఓవర్లు ముగిసే సరికి హైదరాబాద్​ స్కోరు 82/1.

20:08 September 29

ఏడు ఓవర్ల సమయానికి హైదరాబాద్​ జట్టు వికెట్లేమీ నష్టపోకుండా 52 పరుగులు  చేసింది. క్రీజులో ఓపెనర్లు వార్నర్​(32), బెయిర్​స్టో(18) కొనసాగుతున్నారు.

19:47 September 29

ఓపెనర్లు వార్నర్​(11), బెయిర్​స్టో(6) నిలకడగా ఆడుతూ.. స్కోరును మెల్లగా ముందుకు తీసుకెళ్తున్నారు. మూడు ఓవర్లు ముగిసే సరికి హైదరాబాద్​ స్కోరు 17/0.

19:35 September 29

తొలి ఓవర్​ పూర్తయ్యేసరికి హైదరాబాద్​ స్కోరు 9/0. క్రీజులో వార్నర్​, బెయిర్​స్టో ఉన్నారు.

19:10 September 29

జట్ల వివరాలు

దిల్లీ క్యాపిటల్స్​: పృథ్వీ షా, శిఖర్ ధావన్, రిషభ్ పంత్(వికెట్​ కీపర్​),  శ్రేయస్ అయ్యర్(కెప్టెన్), హెట్మయిర్, మార్కస్ స్టోయినిస్, అక్షర్ పటేల్, అమిత్​ మిశ్రా, రబాడా, ఇషాంత్​ శర్మ, అన్రిచ్ నోర్ట్జ్

సన్​రైజర్స్​ హైదరాబాద్​:వార్నర్​(కెప్టెన్), బెయిర్​స్టో(వికెట్​ కీపర్​), కేన్​ విలియమ్సన్​, మనీశ్ పాండే, అబ్దుల్​ సమద్​, అభిషేక్​ శర్మ, ప్రియమ్​ గార్గ్​, రిషభ్​ ఖాన్​, భువనేశ్వర్ కుమార్, ఖలీల్ అహ్మద్, నటరాజన్

19:00 September 29

టాస్​ గెలిచిన దిల్లీ క్యాపిటల్స్​ బౌలింగ్​ ఎంచుకుంది. ఈ మ్యాచ్​లోనూ విజయం సాధించి హ్యాట్రిక్​ కొట్టాలని కెప్టెన్​ శ్రేయస్​ అయ్యర్​ భావిస్తున్నాడు.

18:03 September 29

గెలిచేదెవరు?

అబుదాబి వేదికగా సన్​రైజర్స్​ హైదరాబాద్​, దిల్లీ క్యాపిటల్స్ తలపడనున్నాయి. రాత్రి 7:30 గంటలకు మ్యాచ్​ మొదలుకానుంది. 

వరుస ఓటములతో పాయింట్ల పట్టికలో చివరి స్థానంలో కొనసాగుతోంది హైదరాబాద్. మరోవైపు ఆడిన రెండు మ్యాచ్​ల్లో విజయ ఢంకా మోగించి.. అగ్రస్థానంలో నిలిచింది దిల్లీ. మరి ఈ మ్యాచ్​లో ఎవరు పైచేయి సాధిస్తారో చూడాలి.