శనివారం ప్రారంభమైన ఐపీఎల్లో ధోనీ రాకతో ప్రపంచవ్యాప్తంగా కోట్లాది మంది అభిమానుల నిరీక్షణకు తెరపడింది. ధోనీ ఎప్పుడెప్పుడు బ్యాట్ పట్టుకుని బరిలోకి దిగుతాడా అని ఎదురు చూసిన ప్రేక్షకుల కల నెరవేరింది. ఈ క్రమంలోనే మహీ భార్య సాక్షి సింగ్ ఆదివారం ఇన్స్టాగ్రామ్ వేదికగా ధోనీ ఫొటోను పోస్ట్ చేస్తూ.. ఎంత అందంగా ఉన్నాడో అని పేర్కొంది. ముంబయి ఇండియన్స్పై టాస్ గెలిచిన తర్వాత ధోనీ మాట్లాడుతున్నప్పటి చిత్రం ఇది. ఇందులో ధోనీ గతంలో కంటే మరింత ఫిట్గా కనిపించాడు. సరికొత్త స్టైల్తో అందరి దృష్టినీ ఆకర్షించాడు.
ధోనీ ఎంత అందంగా ఉన్నాడో!: సాక్షి
ధోనీ అభిమానులు ఎప్పటి నుంచో ఎదురుచూసిన తరుణం వచ్చేసింది. తమ హీరో మహీ మైదానంలో అడుగుపెట్టగానే అందరి కళ్లలో కాంతులు విరజిమ్మాయి. ఈ క్రమంలోనే అతని భార్య సాక్షి సింగ్ ఇన్స్టాగ్రామ్ వేదికగా ఆసక్తికర పోస్ట్ చేసింది.
ధోనీ
సీఎస్కే టాస్ గెలిచి బౌలింగ్ ఎంచుకున్న అనంతరం లాక్డౌన్ సమయాన్ని ఎలా ఉపయోగించుకున్నారని మురళి కార్తిక్ ధోనీని అడగ్గా.. తనను తాను ఫిట్గా ఉంచుకునేందుకు ఎక్కువ సమయం కేటాయించినట్లు పేర్కొన్నాడు.
ఐపీఎల్ ప్రారంభమ్యాచ్లో ముంబయి ఇండియన్స్తో జరిగిన పోరులో గెలిచింది సీఎస్కే. సెప్టెంబరు 22న రాజస్థాన్ రాయల్స్ జట్టుతో షార్జా వేదికగా తర్వాత మ్యాచ్లో తలపడనుంది.
Last Updated : Sep 25, 2020, 5:59 PM IST