భారీ లక్ష్యాన్ని ఛేదించడంలో కీలక పాత్ర పోషించి రాజస్థాన్ రాయల్స్ విజయానికి బాట వేసిన బెన్ స్టోక్స్, సంజూ శాంసన్ను కొనియాడాడు ముంబయి ఆల్రౌండర్ హార్ధిక్ పాండ్యా. ఈ మ్యాచ్లో ముంబయి జట్టుకు 60 పరుగులు జోడించిన హార్ధిక్.. సిక్సర్లు బాదడం అంటే తనకు ఇష్టమని పేర్కొన్నాడు.
"సిక్సర్లు కొట్టడం బాగా ఆనందాన్నిస్తుంది. రెండో సారి టైం ఔట్ విరామం వచ్చినప్పుడు ఉన్న మా జట్టు స్కోర్ను బట్టి అంతిమంగా 160-170 పరుగులు లక్ష్యంగా ఉంచాలని భావించాం. కానీ, అనుకున్న లక్ష్యానికి 25 పరుగులు ఎక్కువగానే చేశాం. బెన్ స్టోక్స్, సంజూ ఆ లక్ష్యాన్ని అలవోకగా ఛేదించారు. రాజస్థాన్ విజయంలో వారి పాత్ర కీలకం."
- హార్ధిక్ పాండ్యా, ముంబయి జట్టు ఆల్ రౌండర్.