బెంగళూరుతో మ్యాచ్​కు అందుబాటులో గేల్

కింగ్స్ ఎలెవన్ పంజాబ్ ఓపెనర్ క్రిస్ గేల్ కడుపునొప్పి నుంచి కోలుకున్నాడు. ఈ విషయాన్ని ఫ్రాంచైజీ అధికారికంగా ప్రకటించింది.

కింగ్స్ ఎలెవన్ పంజాబ్ ఓపెనర్ క్రిస్ గేల్ ఈ ఐపీఎల్ సీజన్​లో ఒక్క మ్యాచ్​ కూడా ఆడలేదు. సన్​రైజర్స్​తో జరిగిన మ్యాచ్​లో ఆడాల్సి ఉన్నా ఫుడ్ పాయిజన్ కావడం వల్ల కడుపు నొప్పితో ఆ మ్యాచ్​కు దూరమయ్యాడు. అయితే తాజాగా అతడు ఆ ఇన్​ఫెక్షన్ నుంచి కోలుకున్నట్లు ఫ్రాంచైజీ తెలిపింది. దీంతో రాయల్ ఛాలెంజర్స్ బెంగళూరుతో జరిగే మ్యాచ్​లో అతడు ఆడే అవకాశం ఉన్నట్లు తెలుస్తోంది.

"కింగ్స్ ఎలెవన్ పంజాబ్ అభిమానులకు ఇది కచ్చితంగా శుభవార్త. ఓపెనర్ క్రిస్ గేల్ కడుపు నొప్పి నుంచి కోలుకుని మళ్లీ ప్రాక్టీస్ మొదలుపెట్టాడు."

-ఫ్రాంచైజీ ట్వీట్

గేల్​ను ఆడించకపోవడంపై అభిమానులు ఫ్రాంచైజీపై విమర్శలు చేశారు. వరుసగా ఓడిపోతున్నా ఎందుకు గేల్​ను ఆడించట్లేదంటూ ప్రశ్నించారు. దీంతో సన్​రైజర్స్​ హైదరాబాద్​తో జరిగిన మ్యాచ్ అనంతరం మాట్లాడిన కోచ్ అనిల్ కుంబ్లే దానిపై వివరణ ఇచ్చాడు. ఈ మ్యాచ్​లో అతడు ఆడాల్సి ఉన్నా ఫుడ్ పాయిజన్ కావడం వల్ల బరిలో దిగలేదని వెల్లడించాడు.​