22:48 November 02
దిల్లీ విజయం.. ప్లేఆఫ్స్కు దిల్లీ, ఆర్సీబీ
రాయల్ ఛాలెంజర్స్ బెంగళూరుతో జరిగిన మ్యాచ్లో దిల్లీ క్యాపిటల్స్ విజయం సాధించింది. 153 పరుగుల లక్ష్యాన్ని 19 ఓవర్లలో ఛేదించింది. రహానే (60), ధావన్ (54) అర్ధసెంచరీలతో చెలరేగి జట్టు గెలుపులో కీలకపాత్ర పోషించారు. అయితే నెట్ రన్రేట్ బాగుండటం వల్ల గెలిచిన దిల్లీతో పాటు ఓడిన బెంగళూరు కూడా ప్లేఆఫ్స్కు అర్హత సాధించాయి. చివరి బెర్తు కోసం కోల్కతా, సన్రైజర్స్ పోటీపడనున్నాయి.
22:45 November 02
దిల్లీ గెలుపు కోసం 12 బంతుల్లో 15 పరుగులు
చివర్లో దిల్లీ తడబడుతోంది. రహానే 60 పరుగులు చేసి ఔటయ్యాడు. గెలుపు కోసం ఇంకా 12 బంతుల్లో 15 పరుగులు చేయాలి దిల్లీ.
22:38 November 02
లక్ష్యం దిశగా దిల్లీ
బెంగళూరుతో జరుగుతోన్న మ్యాచ్లో లక్ష్యం దిశగా వెళుతోంది దిల్లీ. ధావన్ (54) అర్ధశతకం చేసి ఔటయ్యాడు. రహానే మాత్రం 58 పరుగులతో జట్టును ముందుండి నడిపిస్తున్నాడు.
21:56 November 02
నిలకడగా దిల్లీ బ్యాటింగ్
లక్ష్యఛేదనలో బరిలో దిగిన దిల్లీ బ్యాట్స్మెన్ అద్భుతంగా రాణిస్తున్నారు. 7 ఓవర్లు పూర్తయ్యే సమయానికి వికెట్ నష్టపోయి 62 పరుగులు చేసింది. ప్రస్తుతం క్రీజ్లో ధావన్ (27), రహానె (24) ఉన్నారు. శ్రేయస్ జట్టు గెలవాలంటే 78 బంతుల్లో 91 రన్స్ చేయాల్సిఉంది.
21:27 November 02
జోరు మీద దిల్లీ
153 పరుగుల లక్ష్యంతో బరిలో దిగిన దిల్లీ దూకుడుగా ఇన్నింగ్స్ ప్రారంభించింది. ప్రస్తుతం రెండు ఓవర్లకు వికెట్ నష్టానికి 19 పరుగులు చేసింది. పృథ్వీ షా 9 పరుగులు చేసి ఔటైనా.. ధావన్ (10) చెలరేగి ఆడుతున్నాడు.
20:59 November 02
దిల్లీ లక్ష్యం 153
దిల్లీ క్యాపిటల్స్తో జరుగుతోన్న మ్యాచ్లో బెంగళూరు బ్యాట్స్మెన్ తడబడ్డారు. ఫలితంగా నిర్ణీత 20 ఓవర్లలో 7 వికెట్ల నష్టానికి 152 పరుగులు చేసింది ఆర్సీబీ. యువ ఓపెనర్ దేవదత్ పడిక్కల్ (50) అర్ధసెంచరీతో రాణించాడు. మిగిలిన వారిలో కోహ్లీ (29), డివిలియర్స్ (35) అంచనాల్ని అందుకోలేకపోయారు. దిల్లీ బౌలర్లు కట్టుదిట్టంగా బౌలింగ్ చేసి ఆకట్టుకున్నారు.
20:53 November 02
తడబడుతోన్న ఆర్సీబీ
ఆర్సీబీ బ్యాటింగ్లో తడబడుతోంది. ప్రస్తుతం 18 ఓవర్లు పూర్తయ్యే సరికి 4 వికెట్ల నష్టానికి 134 పరుగులు చేసింది.
20:34 November 02
పడిక్కల్ హాఫ్ సెంచరీ
ఆర్సీబీ దూకుడు పెంచింది. యువ ఓపెనర్ దేవదత్ పడిక్కల్ లీగ్లో మరో హాఫ్ సెంచరీ నమోదు చేశాడు. 40 బంతుల్లో 5 ఫోర్ల సాయంతో అర్ధశతకం బాదాడు. ఈ సీజన్లో ఇతడికిది నాలుగో హాఫ్ సెంచరీ. ప్రస్తుతం 15 ఓవర్లకు 103 పరుగులు చేసింది ఆర్సీబీ.
20:28 November 02
నెమ్మదించిన ఆర్సీబీ బ్యాటింగ్
బెంగళూరు ఇన్నింగ్స్ నెమ్మదిగా సాగుతోంది. ఈ మ్యాచ్లో కెప్టెన్ కోహ్లీపై భారీ అంచనాలుండగా అందర్నీ నిరాశపరుస్తూ ఇతడు 29 పరుగులు చేసి పెవిలియన్ చేరాడు. పడిక్కల్ (43) మరో హాఫ్ సెంచరీవైపు దూసుకెళ్తున్నాడు. ప్రస్తుతం 14 ఓవర్లకు 90 పరుగులు చేసింది ఆర్సీబీ.
20:02 November 02
నిలకడగా ఆర్సీబీ బ్యాటింగ్
బెంగళూరు కాస్త జోరు పెంచింది. ప్రస్తుతం 7 ఓవర్లకు వికెట్ నష్టానికి 46 పరుగులు చేసింది. ఫిలిప్ 12 పరుగులు చేసిన ఔటైన తర్వాత కోహ్లీ క్రీజులోకి వచ్చాడు. పడిక్కల్ (26) నిలకడగా ఆడుతున్నాడు.
19:36 November 02
నెమ్మదిగా బెంగళూరు బ్యాటింగ్
దిల్లీతో జరుగుతున్న మ్యాచ్లో మొదట బ్యాటింగ్ చేస్తోన్న బెంగళూరు నెమ్మదిగా ఇన్నింగ్స్ ప్రారంభించింది. ఫిలిప్ (5), దేవదత్ (5) ఆచితూచి ఆడుతున్నారు. ఫలితంగా రెండు ఓవర్లకు 10 పరుగులు చేసిందీ జట్టు.
19:08 November 02
జట్లు
దిల్లీ క్యాపిటల్స్
శిఖర్ ధావన్, పృథ్వీ షా, అజింక్యా రహానే, శ్రేయస్ అయ్యర్ (కెప్టెన్), పంత్, స్టోయినిస్, డేనియర్ సామ్స్, అక్షర్ పటేల్, రవి అశ్విన్, రబాడ, ఎన్రిచ్ నోకియా
రాయల్ ఛాలెంజర్స్ బెంగళూరు
ఫిలిప్, దేవదత్ పడిక్కల్, కోహ్లీ (కెప్టెన్), డివిలియర్స్, వాషింగ్టన్ సుందర్, శివం దూబే, షహబాజ్ అహ్మద్, క్రిస్ మోరిస్, ఇసురు ఉదానా, సిరాజ్, చాహల్
18:31 November 02
బెంగళూరు బ్యాటింగ్
ఐపీఎల్ లీగ్ మ్యాచ్లు తుదిదశకు చేరుకున్నాయి. ప్లేఆఫ్స్లో చోటు కోసం పోటీ మరింత రసవత్తరంగా మారింది. అగ్రస్థానంలో ముంబయి ఇండియన్స్ ఇప్పటికే అర్హత సాధించగా.. రెండో స్థానం కోసం బెంగళూరు, దిల్లీ మధ్య పోటీ నెలకొంది. సోమవారం జరిగే మ్యాచ్లో ఈ రెండు జట్లు అమీతుమీ తేల్చుకోనున్నాయి. ముఖ్యంగా రెండో స్థానంలో పాగా వేసేందుకు వీళ్లకు ఈ మ్యాచ్ చాలా కీలకం. ఓడినా ప్లేఆఫ్స్ అవకాశం ఉంటుంది. కానీ మిగతా జట్ల ఫలితాలపై ఆధారపడి ఉంటుంది. రెండు జట్లూ వరుస ఓటములతో డీలాపడ్డాయి. దీంతో ఈ మ్యాచ్లో ఎలాగైనా గెలిచి తీరాలన్న కసితో ఉన్నాయి. ఈ మ్యాచ్లో మొదట టాస్ గెలిచిన దిల్లీ బౌలింగ్ ఎంచుకుంది.