దుబాయి వేదికగా చెన్నై సూపర్కింగ్స్, సన్రైజర్స్ హైదరాబాద్ మధ్య జరిగిన మ్యాచ్లో 7 పరుగుల తేడాతో వార్నర్సేన గెలిచింది. కట్టుదిట్టమైన బౌలింగ్తో సీఎస్కే బ్యాట్స్మెన్ను ఆది నుంచే అడ్డుకోవడం వల్ల సన్రైజర్స్ విజయం సాధించింది. సన్రైజర్స్ డెత్ ఓవర్ స్పెషలిస్టు నటరాజన్ 2 వికెట్లు సాధించగా.. భువనేశ్వర్, అబ్దుల్ సమద్ చెరో వికెట్ పడగొట్టారు. చివర్లో సీఎస్కే ఆల్రౌండర్ రవీంద్ర జడేజా అర్ధశతకం చేసి నటరాజన్ బౌలింగ్లో వెనుదిరిగాడు. ఛేదనలో ధోనీ సేన నిర్ణీత 20 ఓవర్లలో 5 వికెట్లు కోల్పోయి 157 పరుగులకే పరిమితమైంది.
ఉత్కంఠభరిత మ్యాచ్లో వార్నర్సేన విజయం - సన్ రైజర్స్ హైదరాబాద్ స్క్వాడ్ టుడే
చెన్నై సూపర్కింగ్స్, సన్రైజర్స్ హైదరాబాద్ మధ్య దుబాయి వేదికగా జరిగిన మ్యాచ్లో 7 పరుగుల తేడాతో వార్నర్సేన గెలుపొందింది. మొదటి నుంచి సీఎస్కే బ్యాట్స్మెన్ను కట్టడి చేయడంలో సన్రైజర్స్ బౌలర్లు విజయం సాధించారు.
సన్రైజర్స్ హైదరాబాద్
మొదట టాస్‌ గెలిచి బ్యాటింగ్‌కు దిగిన హైదరాబాద్ నిర్ణీత 20 ఓవర్లలో ఐదు వికెట్ల నష్టానికి 164 పరుగులు చేసింది. ఈ మ్యాచ్లో హైదరాబాద్ యువ బ్యాట్స్‌మన్‌ ప్రియమ్‌గార్గ్‌ (51; 26 బంతుల్లో 6x4, 1x4) రెచ్చిపోయి ఆడాడు. టోర్నీలో తొలి అర్ధశతకాన్ని నమోదు చేసి ఆకట్టుకున్నాడు. అభిషేక్‌ శర్మ (31; 24 బంతుల్లో 4x4, 1x6), డేవిడ్‌ వార్నర్(28; 29 బంతుల్లో 3x4), మనీష్‌ పాండే (29; 21 బంతుల్లో 5x4) తమవంతు కృషి చేశారు. చెన్నై ముందు పోరాడే స్కోర్‌ నిర్దేశించారు. చెన్నై బౌలర్లలో దీపక్‌ చాహర్‌ 2, శార్దుల్‌ ఠాకుర్‌ 1, పీయూష్‌ చావ్లా 1 వికెట్ తీశారు.