లిన్, నరైన్,రసెల్ లాంటి హిట్టర్లున్న జట్టు కోల్కతా నైట్రైడర్స్. అయినా గత ఐదు మ్యాచ్ల్లో ఓటములే ఎదురయ్యాయి. ఈరోజు రాజస్థాన్తో పోరులో ఎలాగైనా గెలవాలని పట్టుదలగా ఉంది. మరి ఓటములు నుంచి బయటపడి కేకేఆర్ విజయం సాధిస్తుందే లేదో తెలియాలంటే మ్యాచ్ చూడాల్సిందే.
ప్రపంచకప్కు వెళ్లే టీమిండియా జట్టులో దినేశ్ కార్తిక్ను రెండో వికెట్ కీపర్గా ఎంచుకున్నారు. కానీ ఐపీఎల్లో మాత్రం అతడి ప్రదర్శన మరీ తీసికట్టుగా ఉంది. గత సీజన్లో ఇదే జట్టు తరఫున అద్భుతంగా రాణించిన దినేశ్...ఈ సారి తొమ్మిది మ్యాచ్ల్లో 16.71 సగటుతో పరుగులు చేసేందుకు ఇబ్బంది పడుతున్నాడు.
కేకేఆర్లో దినేశ్ కాకుండా మిగతా భారత క్రికెటర్స్ ఆట ఏమంత మెరుగ్గా లేదు. కుల్దీప్ యాదవ్ కూడా అంచనాలకు తగ్గట్టు రాణించలేకపోతున్నాడు. సహచర స్పిన్నర్లు పియూష్ చావ్లా, నరైన్ ప్రభావం చూపలేకపోతున్నారు. ఆడిన 10 మ్యాచ్ల్లో కలిపి వీరు ముగ్గరు 16 వికెట్లు మాత్రమే తీయగలిగారు. పేస్ విభాగం మరింత మెరుగుపడాల్సి ఉంది.
"జట్టులోని సభ్యులందరూ ఆటతో అలసిపోయారు. వారికి కొంచెం విశ్రాంతి అవసరం. దినేశ్ కార్తిక్ ఇంటికి వెళ్లి వచ్చాడు. మిగతా వారు కూడా తగినంత విశ్రాంతి తీసుకుని మిగతా మ్యాచ్ల్లో రాణిస్తారని అనుకుంటున్నా" -జాక్వెస్ కలిస్, కోల్కతా కోచ్
రాజస్థాన్ రాయల్స్.. ప్రస్తుతం పాయింట్ల పట్టికలో దిగువ నుంచి రెండో స్థానంలో ఉంది. కెప్టెన్గా స్టీవ్ స్మిత్ను నియమిన మ్యాచ్లోనే బలమైన ముంబయిపై విజయం సాధించింది.