సిక్సుల వీరుడితో ' హ్యాట్రిక్​ ' బాయ్​

ఐపీఎల్​లో అతి చిన్న వయసులోనే హ్యాట్రిక్​​ తీసిన కుర్రాడు సామ్​ కరన్​. దిల్లీ క్యాపిటల్స్‌తో జరిగిన మ్యాచ్‌లో అద్భుతమైన బౌలింగ్​తో  కింగ్స్ ఎలెవన్ పంజాబ్‌కు విజయాన్నందించాడు. అయితే క్రిస్‌గేల్‌తో.. సామ్​ దిగిన ఓ ఫొటోను గేల్ తన ఇన్‌స్టాలో పోస్ట్​ చేశాడు.

కింగ్స్​ ఎలెవన్​ పంజాబ్​ బ్యాట్స్​మెన్​ క్రిస్​ గేల్​ ఓ పాత ఫొటోను ఇన్​స్టాలో షేర్​ చేశాడు. యువతకు ప్రేరణ కలిగిస్తూ పెట్టిన ఆ ఫొటోను నెటిజన్లతో పంచుకున్నాడు.
ఫొటో చూసిన నెటిజన్లు ఆశ్చర్యపోతున్నారు. ఎర్రటి దుస్తుల్లో స్కూల్​ పిల్లాడిలా గేల్​ పక్కన నిల్చున్నాడు కరన్​. ప్రస్తుతం అదే ఎరుపు రంగు జెర్సీతో ఇద్దరూ కలిసి పంజాబ్​ తరఫున ఆడుతున్నారు.

క్రిస్​గేల్​ ఇన్​స్టా పోస్టు

• ఐపీఎల్​లో దిల్లీ, పంజాబ్​ జట్ల మధ్య మ్యాచ్​.. పంజాబ్​ 14 పరుగుల తేడాతో విజయం సాధించింది. దీనికి కారణం కరన్​ వేసిన​ అద్భుతమైన స్పెల్​. అంతేకాకుండా హ్యాట్రిక్​ వికెట్లు తీసి ఈ ఘనత సాధించిన యువ ఆటగాడిగా రికార్డు సృష్టించాడు.

మొహాలీ మ్యాచ్​లో కరన్​ చివరి ఓవర్​లో హర్షల్​ పటేల్​, రబాడ, సందీప్​ వికెట్లు తీసి హ్యాట్రిక్​ సాధించాడు. ప్రస్తుతం గేల్​, కరన్​ ఆదివారం చెన్నై సూపర్​కింగ్స్​తో మ్యాచ్​ ఆడేందుకు సిద్ధమవుతున్నారు.