బెంగళూరు చిన్నస్వామి స్టేడియంలో జరిగిన రాజస్థాన్ రాయల్స్, ఆర్సీబీ మ్యాచ్ వర్షం కారణంగా రద్దయింది. మ్యాచ్ 5 ఓవర్లకు కుదించారు. ముందుగా బ్యాటింగ్ చేసిన బెంగళూరు 7 వికెట్ల నష్టానికి 62 పరుగులు చేసింది. రాజస్థాన్ 3.2 ఓవర్లకు వికెట్ నష్టానికి 41 పరుగుల వద్ద ఉండగా మరోసారి వర్షం కురిసింది. దీంతో మ్యాచ్ను రద్దు చేసి.. ఇరు జట్లకు చెరో పాయింటు ఇచ్చారు. ఈ మ్యాచ్తో ఆర్సీబీ ప్లే ఆఫ్ ఆశలు ఆవిరైపోయాయి.
శాంసన్ భళా...
5 ఓవర్లలో 63 పరుగుల లక్ష్యంతో బరిలోకి దిగిన రాజస్థాన్కు సంజు శాంసన్ అదిరే ఆరంభాన్నిచ్చాడు. 13 బంతుల్లో 28 పరుగులు చేశాడు. ఇందులో 2 ఫోర్లు, 3 సిక్సర్లు ఉన్నాయి. శాంసన్ ఔటైన వెంటనే మళ్లీ వర్షం కురిసింది. చేసేదేం లేక అంపైర్లు మ్యాచ్ను రద్దు చేశారు.