భారత ఆటగాడు అంబటి రాయుడుకు మద్దతుగా సామాజిక మాధ్యమాల్లో మీమ్స్ షికారు చేస్తున్నాయి. శుక్రవారం ముంబయితో జరిగిన మ్యాచ్లో ధోని ఆడలేదు. మహీ స్థానంలో కీపింగ్ బాధ్యతలు తీసుకున్నాడీ చెన్నై సూపర్ కింగ్స్ ఆటగాడు. ఈ అంశంపై స్పందించిన మాజీ క్రికెటర్ ఆకాశ్ చోప్రా రాయుడులో మరో ప్రతిభ దాగుందని ట్వీట్ చేశాడు. దీనిపై నెటిజన్లు విశేషంగా స్పందిస్తున్నారు.
రాయుడు 3డీ ఆటగాడే.. ఎందుకు తీసుకోలేదు? - rayudu
అంబటి రాయుడూ 3డీ ఆటగాడేనని.. అతడిని ఎందుకు ఎంపిక చేయలేదని ట్విట్టర్లో ప్రశ్నిస్తున్నారు నెటిజన్లు. ముంబయితో జరిగిన మ్యాచ్లో.. మహీ స్థానంలో కీపింగ్ చేశాడీ హైదరాబాదీ క్రికెటర్.
రాయుడు
'రాయుడూ 3డీ ఆటగాడే.. ప్రపంచకప్లో ఎందుకు ఎంపిక చేయలేదని' ఒకరు ట్వీట్ చేయగా.. 'అతడు 4డీ ఆటగాడని' మరొకరు ట్వీటారు. 'బ్యాటింగ్, ఫీల్డింగ్ తాజాగా కీపింగ్ చేస్తున్నాడని.. ఐసీసీ అతడి బౌలింగ్ను నిషేధించకపోయినట్లైతే రాయుడులో 4వ కోణాన్ని కూడా చూసేవాళ్లమని' ఇంకొకరు స్పందించారు.
ప్రపంచకప్లో చోటు దక్కుతుందని చివరి వరకు ఆశించిన రాయుడును పక్కన పెట్టింది బీసీసీఐ. అతడి స్థానంలో విజయ్శంకర్ను తీసుకుంది. విజయ్ 3 డైమెన్షనల్ ఆటగాడని చీఫ్ సెలెక్టర్ ఎమ్ఎస్కే ప్రసాద్ వివరణ ఇచ్చాడు. ఈ విషయంపై స్పందించిన రాయుడు.. అయితే 3డీ కళ్లద్దాలతో ప్రపంచకప్ చూస్తానని వ్యంగ్యంగా ట్వీట్ చేశాడు.